Ñumen weñʼesan a subtʼan: Cʼʌñʌ jiñi libro «Chʌn ajñenla tiʼ cʼuxbiya Dios» chaʼan maʼ cʼotel tiʼ pusicʼal

¿CHUCOCH ÑUC I CʼɅJÑIBAL? Chaʼan miʼ chʼʌjmel i chʼujutesaya ti Jehová jiñi quixtañujob yom miʼ cʌñob i mandar yicʼot miʼ jacʼob (Is. 2:3, 4). Jiñi libro «I cʼuxbiya Dios» jiñʌch yambʌ muʼ bʌ laj cʼʌn ti acʼ estudio. Miʼ coltañob chaʼan miʼ qʼuelob bajcheʼ miʼ cʼʌjñibʌyel tiʼ cuxtʌlelob jiñi principio tac am bʌ ti Biblia (He. 5:14). Chaʼan loqʼuemʌch tiʼ pusicʼal cheʼ bʌ miʼ qʼuextan i melbal jiñi woli bʌ laj cʌntesan, yom mi lac chaʼlen wersa chaʼan mi laj cʼotel tiʼ pusicʼal (Ro. 6:17).

¿BAJCHEʼ YOM MIʼ MEJLEL?

• Wen chajpan a bʌ. Wʌn ñaʼtan baqui yom maʼ coltan jiñi woli bʌ a pʌsben estudio. Melben cʼajtiya tac chaʼan maʼ ñaʼtan bajcheʼ yilal miʼ qʼuel jiñi woli bʌ i cʌn yicʼot bajcheʼ yubil miʼ yubin (Pr. 20:5; be-S i yopol 259).

• Cʼʌñʌ jiñi recuadro tac chaʼan miʼ cʌn chucoch weñʌch cheʼ miʼ jacʼ jiñi principio tac.

• Coltan i ñaʼtan bajcheʼ yom miʼ cʼʌn i conciencia, pero mach a suben chuqui yom miʼ mel (Gá. 6:5).

• Wen qʼuele mi an principio tac wocol bʌ miʼ yubin chaʼan miʼ jacʼ. Suben ti uts bʌ tʼan chaʼan jiñʌch i cʼuxbiya am bʌ i chaʼan ti Dios muʼ bʌ caj i coltan i qʼuextan i melbal (Pr. 27:11; Jn. 14:31).