Jiñi «tsijiʼ bʌ panchan yicʼot tsijiʼ bʌ pañimil» miʼ yʌcʼ cabʌl tijicñʌyel

Jiñi tʼan chaʼan tsijiʼ bʌ panchan yicʼot tsijiʼ bʌ pañimil muʼ bʌ i yʌjlel ti Isaías 65 wen isujmʌch, come cheʼʌch bajcheʼ tsʼʌctiyemix cheʼ bʌ miʼ taj ti tʼan Jehová.

Jehová miʼ mel «tsijiʼ bʌ panchan yicʼot tsijiʼ bʌ pañimil» baqui maʼañix mi caj i chʌn ñaʼtʌntel jiñi tsaʼix bʌ ñumi

65:17

¿Chuqui jiñi «tsijiʼ bʌ panchan»?

• Jiñʌch tsijiʼ bʌ yumʌl muʼ bʌ caj i yʌcʼ ti melol chuqui toj bʌ wʌʼ ti Pañimil.

• Ili tsaʼ tejchi ti 1914 cheʼ bʌ Cristo tsaʼ waʼchoconti bajcheʼ Rey tiʼ Yumʌntel Dios.

¿Chuqui jiñi «tsijiʼ bʌ pañimil»?

• Jiñʌch yom bʌ i jacʼbeñob i tʼan jiñi yumʌntel am bʌ ti panchan, tilemob ti cabʌl tejclum, yujilob yambʌ tʼan yicʼot mach lajalic i colorlelob.

¿Bajcheʼ an cheʼ maʼañix mi caj i chʌn ñaʼtʌntel jiñi tsaʼix bʌ ñumi?

• Mi caj i lajmel jiñi muʼ bʌ i cʼajtesʌbeñonla mach bʌ weñic, cheʼ bajcheʼ cʼamʼan, cʌlʌx pensar o chʼijiyemlel.

• Jiñi xucʼuloʼ bʌ ti Dios mi caj i ñusañob i bʌ, cabʌl chuqui mi caj i cʌñob majlel ti jujumpʼejl qʼuin yicʼot utsʼatax muʼ bʌ caj i cʼajtesañob.