Jumpʼejl pijtaya muʼ bʌ i wen tijicñesañonla

Jiñi pijtaya jiñʌch muʼ bʌ i xucʼchocoñonla ti tsʌts (He. 6:19). Miʼ coltañonla chaʼan maʼañic mi laj cʼunʼan tiʼ chaʼan bʌ Dios (1 Ti. 1:18, 19). Jiñi wocol tajol jiñʌch laj cʼunlel, cheʼ mi lac sʌt am bʌ lac chaʼan, cʼamʌjel tac maʼañic bʌ miʼ lajmel ti ora, cheʼ miʼ chʌmel juntiquil lac piʼʌl o jin jach chuqui miʼ mejlel i cʼunʼesan lac xucʼtʌlel ti Jehová.

Jiñi chʼujbiya yicʼot jiñi pijtaya miʼ coltañonla chaʼan mi laj qʼuel tiʼ sujm jiñi lac majtan wʌn albil bʌ (2 Co. 4:16-18; He. 11:13, 26, 27). Chaʼan miʼ ñumen pʼʌtʼan lac pijtaya, ti panchan o wʌʼ ti Pañimil, yom mi lac chʌn ñaʼtan jiñi albil bʌ yaʼ ti Biblia. Mi cheʼʌch mi lac mel bajcheʼ jiñi, tijicña mi caj la cajñel cheʼ bʌ mi lac ñusan wocol (1 P. 1:6, 7).

CHEʼ TSAʼIX QʼUEJLI JIÑI VIDEO «YOM TIJICÑAYETLA TI LAʼ PIJTAYA», JACʼɅLA ILIYI:

• ¿Chucoch wem bʌ ejemplo jiñi Moisés chaʼan joñonla?

• ¿Baqui bʌ eʼtel an i chaʼan jiñi i jol familia?

• ¿Chuqui miʼ mejlel a qʼuel jaʼel ti a chʼujutesaya ti familia?

• ¿Bajcheʼ miʼ mejlel i coltañonla jiñi pijtaya chaʼan mi lac lʌtʼ jiñi wocol tac?

• ¿Chuqui ñumen a wom bʌ ti talto bʌ qʼuin?