¿Bajcheʼ cʼamel maʼ ñop jiñi albil tac bʌ i chaʼan Jehová?

Josué yicʼot Salomón tsiʼ yʌlʌyob chaʼan tiʼ pejtelel i tʼan Jehová tsaʼ tsʼʌctiyi (Jos. 23:14; 1 R. 8:56). Jiñi tsaʼ bʌ i yʌlʌyob, miʼ ñumen pʼʌtʼesan yaʼ baqui chucul lac ñopoñel ti Dios (2 Co. 13:1; Tit. 1:2).

Chaʼan mi laʼ ñaʼtan bajcheʼ ti tsʼʌctiyi jiñi wʌn albil bʌ i chaʼan Jehová cheʼ tiʼ yorajlel Josué, qʼuelela awicʼot a familia jiñi película chucul bʌ ti Biblia Laj tsʼʌctiyem i chaʼan tiʼ pejtelel jiñi i tʼan. Cheʼ jiñi jacʼʌla ili cʼajtiya tac: 1) ¿Bajcheʼ miʼ mejlel lac lajin i ñopoñel jiñi Rahab? (He. 11:31; Stg. 2:24-26, Jini wen bʌ tʼan). 2) ¿Bajcheʼ miʼ pʌstʌl ti Acán chaʼan jiñi muʼ bʌ i toʼol ñusʌben i mandar Jehová miʼ taj wocol? 3) ¿Chucoch jiñi gabaoñob tsiʼ lotiyob Josué chaʼan jach miʼ yutsʼañob yicʼot Israel cheʼ wen chajpʌbilob tsaʼ chaʼan guerra? 4) ¿Bajcheʼ ti tsʼʌctiyi i tʼan Jehová cheʼ bʌ jiñi joʼtiquil i rey amorreojob tiʼ chʼʌcʌ Israel? (Jos. 10:5-14). 5) ¿Chuqui an i mele Jehová tiʼ a tojlel cheʼ bʌ maʼ wʌcʼ ti ñaxan jiñi i Yumʌntel? (Mt. 6:33).

Cheʼ bʌ mi lac wen ñaʼtan chuqui tsiʼ mele Jehová ti wajali, woli to bʌ i mel yicʼot muʼto bʌ caj i mel, miʼ ñumen pʼʌtʼan lac ñopoñel ti jiñi albil tac bʌ i chaʼan (Ro. 8:31, 32).