ÑUC TAC BɅ I CʼɅJÑIBAL TI BIBLIA | MATEO 20, 21
«Majqui jach yom i yajñel ti cʼax ñuc ti laʼ tojlel laʼ i coltañetla cheʼ bajcheʼ laʼ winic»
Jiñi xtsʼijbayajob yicʼot fariseojob tsiʼ wen qʼueleyob i bʌ ti ñuc i tsiʼ mulayob chaʼan miʼ qʼuejlelob yicʼot miʼ pejcʌntelob ti jiñi «choñoñibʌl tac».
Jiñi xtsʼijbayajob yicʼot fariseojob tsiʼ mulaj i tajob i ñuclel yicʼot i qʼuejlelob ti ñuc (Mt. 23:5-7). Pero Jesús mach cheʼic tsiʼ mele. «Maʼanic tsaʼ tili chaʼan miʼ coltʌntel. Tsaʼ tili chaʼan miʼ coltan winicob xʼixicob» (Mt. 20:28). ¿Ixcu joñonla? ¿Jin jach ba mi lac mel jiñi troñel tac tiʼ chaʼan bʌ Dios muʼ bʌ i yʌqʼueñonla lac ñuclel? Chaʼan miʼ qʼuelonla ti ñuc Jehová yom mi lac mel bajcheʼ Jesús yicʼot yom mi lac chaʼlen wersa laj coltan yambʌlob. An i tajol, maʼañic miʼ taj i qʼuel yambʌlob muʼ bʌ lac mel, pero Jehová mucʼʌch (Mt. 6:1-4). ¿Chuqui miʼ mel juntiquil xʼeʼtel am bʌ i pecʼlel?
Miʼ chaʼlen coltaya tiʼ sʌqʼuesʌntel yicʼot tiʼ tojʼesʌntel i Yotlel tempa bʌ.
Miʼ bajñel ñaʼtan chaʼan yom miʼ coltan jiñi añobix bʌ i jabilel yicʼot yambʌ hermanojob.
Miʼ yʌcʼ i taqʼuin chaʼan miʼ coltan jiñi eʼtel chaʼan bʌ subtʼan.