Juntiquil yom bʌ i tijicñesan Jehová wen chuqui miʼ yajcan i mel

Pejcan Génesis 25:29-34 chaʼan maʼ qʼuel mi Esaú yicʼot Jacob weñʌch chuqui tsiʼ yajcayob i mel.

Ñumen cʌñʌ jiñi relato. ¿Chuqui tsaʼ ñaxan ujti? (Gn. 25:20-28). ¿Chuqui tsaʼ ujti ti wiʼil? (Gn. 27:1-46).

Ñumen chaʼlen ti investigar. ¿Chuqui an tiʼ wenta miʼ mel jiñi ascuñʌl bʌ, i chuqui miʼ yʌqʼuentel? (Gn. 18:18, 19; w10-S 1/5 13).

• ¿Jin jach ba jiñi ascuñʌl muʼ bʌ i mejlel ti sujtel tiʼ ñojteʼel jiñi Mesías? (w17.12 14, 15).

Ñaʼtan chuqui miʼ mejlel a cʌn yicʼot bajcheʼ miʼ mejlel a mel. ¿Chucoch Jacob tsiʼ ñumen qʼuele ti ñuc jiñi bendición tac muʼ bʌ i taj jiñi ascuñʌl bʌ? (Heb. 12:16, 17; w03-S 15/10 28, 29). ¿Bajcheʼ yilal tsaʼ qʼuejli Jacob yicʼot Esaú ti Jehová, i chucoch? (Mal. 1:2, 3). ¿Chuqui i wentʌlel tsiʼ mele Esaú chaʼan wen chuqui miʼ yajcan i mel?

• Cʼajtiben a bʌ: «Cheʼ woli c ñaʼtan chuqui mi caj c mel ti jumpʼejl semana, ¿bajcheʼ mic pʌs chaʼan mucʼʌch j qʼuel ti ñuc i chaʼan tac bʌ Jehová, bajcheʼ jiñi chʼujutesaya ti familia?».