Suben yambʌlob chuqui tsaʼ bʌ a cʌñʌ

Cheʼ mi lac bajñel chaʼlen estudio miʼ coltañonla, pero miʼ ñumen coltañonla cheʼ bʌ mi lac suben yambʌlob chuqui tsaʼ laj cʌñʌ. Jin chaʼan Proverbios 11:25 miʼ yʌl: «Jini muʼ bʌ i yʌqʼuen jaʼ yambʌ am bʌ i tiquin tiʼ mux i lajmel i tiquin tiʼ jaʼel».

Cheʼ mi lac suben yambʌlob chuqui tsaʼ bʌ laj cʌñʌ, miʼ coltañonla chaʼan mi lac ñumen chʼʌmben i sujm i mach wocolic mi caj la cubin chaʼan mi lac chaʼ cʼajtesan jiñi tsaʼ bʌ lac pejca. Cheʼ jaʼel, tijicña mi caj la cubin come la cujil chaʼan jiñi tsaʼ bʌ i coltayonla mi caj i coltan yañoʼ bʌ (Hech. 20:35).

Ñopo a mel iliyi: Ti yambʌ semana ñopo a suben juntiquil chuqui tsaʼ bʌ a cʌñʌ. Tajol miʼ mejlel a suben juntiquil ti a familia, juntiquil hermano ti congregación, a piʼʌl ti eʼtel, a piʼʌl ti escuela, a piʼʌl ti chumtʌl o juntiquil ti a territorio. Cheʼ bʌ maʼ mel, tsictesan ti a bajñel tʼan i chaʼlen wersa chaʼan mach wocolic miʼ chʼʌmben i sujm chuqui woli bʌ a wʌl.

Cʼajtesan iliyi: Mi lac suben yañoʼ bʌ chuqui tsaʼ laj cʌñʌ mach chaʼañic mi lac pʌs chaʼan cabʌl chuqui la cujil, chaʼañʌch mi lac ñuqʼuesʌbeñob i pusicʼal (1 Cor. 8:1).