Juntiquil Rey ti panchan miʼ chʼʌm tilel bendición tac ti Pañimil

41 Jehová tsiʼ mele ti Rey Jesús yaʼ ti panchan (Isaías 9:6; Daniel 7:13, 14; Hechos 2:32-36).

42 Jini mi caj i chaʼlen yumʌntel tiʼ pejtelel Pañimil (Daniel 7:14; Mateo 28:18).

43 ¿Cʼajal ba a chaʼan jatet chuqui mi caj i chaʼleñob jini jontoloʼ bʌ? (Salmo 37:9,10; Lucas 13:5.)

44 ¿Cʼajal ba a chaʼan chuqui i cʼabaʼ jini ñaxan bʌ ángel tsaʼ bʌ i chaʼle mulil? Jesús mi caj i jisan ili ángel yicʼot i yangelob jontoloʼ bʌ. Jini i chaʼañoʼ bʌ mi caj i laj jisʌntel bajcheʼ jini dios melbil tac bʌ ti cʼʌbʌl yicʼot imágen tac (Hebreos 2:14; Apocalipsis 20:2, 10).

45 Jesús mi caj i mel cabʌl chuqui tac wen tiʼ tojlel jini xjacʼ tʼañoʼ bʌ (Hebreos 5:9).

46 Maʼanix miʼ chʌn cajel cʼamʌjel tac (Isaías 33:24; Apocalipsis 22:1, 2).

¿Cʼajal ba a chaʼan Jesús tsiʼ lajmesa xcʼamʌjelob?

47 Ti lac pejtelel mi caj lac taj chuqui tac wen (Isaías 65:17, 21-23).

48 Dios maʼanic mi ñajʌyel i chaʼan jaʼel jini tsaʼ bʌ chʌmiyob. Dios mi caj i cʼʌn Jesús chaʼan miʼ chaʼ aqʼueñob i cuxtʌlel. I cʼabaʼ iliyi mi lac chaʼ tejchel loqʼuel baʼan chʌmeñoʼ bʌ (Juan 5:28, 29; 11:25).

49 Cheʼ tsaʼix laj jisʌntiyob jini jontoloʼ bʌ, maʼanix majqui mi caj ti chʌmel. Mi jinic jax jontol bʌ animal tac mach chʌn bʌbʌqʼuentaquix. Ti lac pejtelel tijicña mi caj la cubin ti pejtelel ora (Apocalipsis 21:4; Isaías 65:25; Salmo 37:11, 29).