Cʌntesʌntel 1

Bajcheʼ mi mejlel a ñaʼtan chuqui miʼ cʼajtin Dios

¿Chuqui wen ñuc bʌ i cʼʌjñibal tʼan miʼ chʼʌm tilel jini Biblia?(1)

¿Majqui tsiʼ yʌcʼʌ ti melol jini Biblia?(2)

¿Chucoch yom maʼ chajpan jini Biblia? (3)

1. Jini Biblia jiñʌch jumpʼejl wen ñuc bʌ lac majtan ti Dios. Cheʼ bajcheʼ jumpʼejl carta muʼ bʌ i choc majlel juntiquil tatʌl tiʼ tojlel i yalobilob. Miʼ subeñonla i sujmlel chaʼan Dios: majqui, yicʼot baqui tac bʌ jini i mandar. Miʼ tsictesan bajcheʼ mi lac loqʼuel ti cabʌl wocol yicʼot bajcheʼ mi lac taj i sujmlel bʌ tijicñʌyel. Cojach jini Biblia miʼ subeñonla chuqui yom mi lac mel, chaʼan utsʼat miʼ qʼuelonla Dios (Salmo 1:1-3; Isaías 48:17, 18).

2. Jini Biblia tsaʼ tsʼijbunti ti cuarenta winicob tsaʼ jalʼa ti tsʼijbuntel mil seiscientos jab, tsaʼ tejchi cheʼ ti 1513 cheʼ bʌ maxto i yilal pañimil Cristo. Miʼ chʼʌm tilel 66 yaloʼ libro tac. Jini xtsʼijbujelob tsaʼ subentiyob ti Dios chuqui miʼ tsʼijbuñob, ti yʌlol, tsiʼ tsʼijbubeyob i Ñaʼtʌbal Dios, mach i bajñel chaʼañobic. Jini chaʼan, i Yʌcʼbal bʌ ti tsʼijbuntel jini Biblia mach juntiquil winic ila ti Pañimil, jiñʌch jini Dios am bʌ ti panchan (2 Timoteo 3:16, 17; 2 Pedro 1:20, 21).

3. Dios tsiʼ qʼuele jini Biblia chaʼan tsʼʌcʌl miʼ tsʼijbuntel, yicʼot chaʼan miʼ jalʼan. Tsaʼix wen locʼsʌnti i copiajlel jini Biblia, ñumento bajcheʼ yan tac bʌ libro. Mach tiʼ pejtelobic mi caj i yubiñob i tijicñʌyel cheʼ woli a chajpan jini Biblia, pero mach jinic, muʼ bʌ mejlel i mʌctañet. Come jini a wom bʌ maʼ taj ti pejtelel ora, jiñʌch cheʼ mi cʼotel a cʌn Dios yicʼot cheʼ maʼ melben i yeʼtel anquese an a tsʼaʼlentel (Mateo 5:10-12; Juan 17:3).