¿Majqui jini isujm bʌ Dios?

An juntiquil jach isujm bʌ Dios, i cʼabaʼ jiñʌch Jioba (Salmo 83:18, NM). Dios Espíritujʌch, jini chaʼan maʼanic miʼ mejlel laj qʼuel. Mi wen cʼuxbiñonla i yom jaʼel chaʼan mi laj cʼuxbin. Yicʼot jaʼel yom chaʼan mi laj cʼuxbin jini winicob xʼixicob (Mateo 22:35-40). Jioba ñumen an i ñuclel bajcheʼ jini melbil tac bʌ i chaʼan ti pañimil yicʼot ti panchan.

Dios tsiʼ ñaxan mele juntiquil espíritu wen pʼʌtʌl bʌ, tsaʼ bʌ cʼoti ti cʌjñel bajcheʼ Jesucristo. Ti wiʼil Jioba tsiʼ mele ángelob.

Jioba jiñʌch tsaʼ bʌ i mele pejtelel am bʌ ti panchan . . . yicʼot ti Pañimil (Apocalipsis 4:11)

Jioba tsiʼ mele tac ecʼ yicʼot ti pejtelel am bʌ ti Pañimil (Génesis 1:1).

Tsiʼ mele jini ñaxan bʌ winic ti tsʼubejn i cʼabaʼ Adán (Génesis 2:7).