¿Majqui tsaʼ bʌ i meleyet?

1 Dios tsiʼ mele panchan yicʼot Pañimil (Génesis 1:1).

2 Dios añʌch i cʼabaʼ. I cʼabaʼ jiñʌch Jehová (Salmo 83:18).

Jehová chumul ti panchan. Jiñʌch jumpʼejl espíritu. Maʼan miʼ mejlel laj qʼuel (Isaías 66:1; Juan 1:18; 4:24).

3 Jehová Dios tsiʼ mele yonlel ángelob yaʼ ti panchan. Espíritujobʌch jaʼel. Laj weñobixto tiʼ pejtelel. Ti wajali tsiʼ poj bixel meleyob i bʌ bajcheʼ winicob chaʼan mi mejlel i qʼuel jini winicob xʼixicob (Hebreos 1:7).

4 Jehová tsiʼ mele animal tac ti wajali, cheʼ jini tsiʼ mele jini winic (Génesis 1:25).

5 Jehová tsiʼ mele jaʼel juntiquil winic i cʼabaʼ Adán yicʼot i yijñam i cʼabaʼ Eva (Génesis 1:27).

Dios tsiʼ yʌcʼʌyob ti tʼojol jax bʌ pʌcʼʌbʌl, o paraíso. Dios tsiʼ melbe juntiquil jach i yijñam Adán. Jini winic mach yomic miʼ cʌy cojach bʌ i yijñam (Génesis 2:8, 21, 22, 24).

6 Jini winic an i cuxtʌlel (Génesis 2:7).

7 Jini animal tac an i cuxtʌlel (Génesis 1:24).