Ti oñiyi, ¿bajcheʼ yilal jini cuxtʌlel yaʼ ti Paraíso?

Jioba tsiʼ yʌqʼue cabʌl chuqui tac wen jini Adán yicʼot Eva (Génesis 1:28)

Jioba tsiʼ mele jini ñaxam bʌ xʼixic i cʼabaʼ Eva, i tsaʼ yʌqʼue tiʼ yijñam Adán (Génesis 2:21, 22).

Tsaʼ aqʼuentiyob wen bʌ i ñaʼtʌbal, i mach xmulilobic tsaʼ mejliyob.

Yaʼ ti pʌcʼʌbʌl Edén wen i tʼojol jax, yaʼʌch baqui tsaʼ chumleyob Adán yicʼot Eva: an colem jaʼ, teʼ tac muʼ bʌ i yʌcʼ i wut, yicʼot añimal tac.

Jioba tsiʼ sube chuqui yom miʼ mel jini Adán yicʼot Eva. Mi tsaʼ i jacʼʌyob miʼ mejlelob ti chumtʌl ti pejtel ora ti Paraíso.

Dios tsiʼ subeyob chaʼan maʼanic miʼ cʼuxob i wut jini cojach bʌ teʼ (Génesis 2:16, 17)

Juntiquil ángel tsiʼ chanʼesa i bʌ tiʼ tojlel Dios. Jini ángel jiñʌch Satanás jini Diablo.

Jioba tsiʼ pʌsbe Adán yicʼot Eva jini teʼ muʼ bʌ i yʌcʼ i wut yaʼ ti pʌcʼʌbʌl, i tsiʼ subeyob mi caj i chʌmelob mi tsaʼ i cʼuxuyob i wut jini teʼ.

Satanás mach yomic chaʼan Adán yicʼot Eva miʼ jacʼbeñob i tʼan Jioba. Jini chaʼan tsiʼ cʼʌñʌ juncojt lucum chaʼan miʼ suben Eva, mi tsaʼ i cʼuxuyob jini i wut teʼ maʼanic mi caj i chʌmelob, tsiʼ yʌlʌ chaʼan mi caj i sujtelob bajcheʼ Dios. Iliyi mach isujmic (Génesis 3:1-5).