CɅNTESɅNTEL 4

¿Chuqui tsiʼ chaʼleyob cheʼ bʌ tsiʼ ñichʼtayob Satanás?

Adán yicʼot Eva maʼanic tsiʼ jacʼbeyob i tʼan Dios, jini chaʼan tsaʼ chʌmiyob (Génesis 3:6, 23)

Eva woliʼ cʼux jiñi i wut teʼ ticʼbil bʌ, i ti wiʼil miʼ yʌqʼuen jaʼel jiñi Adán

Eva tsiʼ ñichʼtʌbe i tʼan jini lucum, i tsiʼ cʼuxu i wut jini teʼ. Ti wiʼil tsi yʌqʼue Adán tsiʼ cʼuxu jaʼel.

Adán yicʼot Eva woliʼ loqʼuelob yaʼ ti Paraíso, jiñi i chumliʼob

Mach wenic jini tsaʼ bʌ i meleyob, jumpʼejlʌch mulil. Dios tsiʼ chocoyob loqʼuel yaʼ ti Paraíso.

Adán yicʼot Eva miʼ ñoxʼañob yicʼot miʼ chʌmelob

Tsaʼ caji i yubiñob wocol. Tsaʼ ñoxʼayob i tsaʼ chʌmiyob. Maʼanic tsaʼ sujtiyob ti Espíritu, tsaʼ chʌmiyob.

Maʼanix i cuxtʌlel jini tsaʼix bʌ chʌmiyob, cheʼ bajcheʼ jini tsʼubejn (Génesis 3:19)

Quixtañujob mach bʌ junlajalobic i cultura yicʼot baqui ora tsaʼ chumleyob

Ti lac pejtelel mi lac chʌmel come i pʼolbalonla Adán yicʼot Eva. Jini tsaʼix bʌ chʌmiyob maʼanix chuqui miʼ qʼuelob, mi yubiñob, mi anic to chuqui miʼ melob (Eclesiastés 9:5, 10).

Juntiquil alʌ xchʼoc miʼ chʌmel, i jiñi i familia miʼ yucʼtan

Jioba mach yomic chaʼan miʼ chʌmelob jini winicob xʼixicob. Lʌcʼʌlix i yorajlel miʼ tech chʼojyel jini chʌmeñoʼ bʌ. Mi tsaʼʌch i jacʼbeyob i tʼan, mi caj i chumtʌlob ti pejtelel ora.