CɅNTESɅNTEL 9

¿Baqui ora mi caj i sujtel ti paraíso ili Pañimil?

Jini wocol tac am bʌ wʌle miʼ pʌsbeñonla chaʼan jini i Yumʌntel Dios lʌcʼʌlix miʼ caj i jisan (Lucas 21:10, 11; 2 Timoteo 3:1-5)

Wocol tac woli bʌ ti ujtel ti ili cojix tac bʌ qʼuin: Alas tiʼ mulʌntel taqʼuin, guerra tac, cʼamʌjel tac, wiʼñal, i ñusʌbentel i tʼan jiñi tatʌlob, jatsʼ yicʼot aʼleya ti familia

Jini Biblia cabʌl chuqui tsiʼ wʌn alʌ, jiñiyʌch woli bʌ ti ujtel wʌle. Tsiʼ wʌn alʌ chaʼan jini winicob xʼixicob mi caj i mulan pejtel chuqui tac yom i pusicʼal, mi caj i mulañob taqʼuin, mi caj i ñusʌbeñob i tʼan i tat i ñaʼ yicʼot wen jontolob.

Tsiʼ wʌn alʌ chaʼan tal pʼʌtʌl bʌ yujquel lum, guerra tac, tal wiʼñal ti cabʌl lum, yicʼot cʼamʌjel tac muʼ bʌ i pam pujquel. Jiñʌch woli bʌ ti ujtel wʌle.

Juntiquil i testigo Jioba miʼ suben wen tʼan chaʼan i Yumʌntel Dios juntiquil wiñic

Jesús tsiʼ wʌn alʌ chaʼan miʼ caj ti sujbel jini wen tʼan chaʼan i Yumʌntel Dios, ti pejtelel Pañimil (Mateo 24:14).

I Yumʌntel Dios mi caj i jisan jini jontolil am bʌ wʌle ila ti pañimil (2 Pedro 3:13)

Miʼ jisʌntel jiñi jontoloʼ bʌ ti Armagedón i ti wiʼil miʼ cʌjchel jiñi Satanás yicʼot i xibajob

Jioba mach jalix mi caj i jisan jini jontoloʼ bʌ.

Satanás yicʼot i xibajob miʼ caj i yʌqʼuentelob i tojob i mul.

Jesús miʼ chʼʌm i buchlib yaʼ ti panchan. Jiñi quixtañujob mach bʌ lajalobic i colorlel i pʌchʌlel miʼ yubiñob i tijicñʌyel

Majqui jach miʼ ñichʼtañob Dios, mi caj i yochelob ti tsijiʼ bʌ pañimil baqui maʼanix miʼ cajelob ti bʌqʼuen, jumpʼejl chumlibʌl baqui mi caj i chʼujbibeñob i bʌ come laj wenix chuqui mi caj i melob yicʼot mi caj i cʼuxbiñob i bʌ.