¿Chuqui yom mi lac mel chaʼan tijicña lac familia?

MUʼ BɅ I YɅL JINI BIBLIA

«¡Tijicñayob jiñi muʼ bʌ i yubiñob i tʼan Dios yicʼot mucʼʌch i melob!» (Lucas 11:⁠28, Traducción del Nuevo Mundo Mateo-Apocalipsis).

¿BAJCHEʼ MIʼ COLTAÑONLA ILIYI?

Mi caj lac taj i sujm bʌ cʼuxbiya (Efesios 5:28, 29).

Mi caj laj comol qʼuel lac bʌ ti ñuc (Efesios 5:33).

Wen mi caj i yajñel lac familia (Marcos 10:6-9).

¿AM BA CHUCOCH MI LAC ÑOP MUʼ BɅ I YɅL JIÑI BIBLIA?

Añʌch, laʼ laj qʼuel chaʼchajp:

• Dios jiñʌch tsaʼ bʌ i mele jiñi familia. Jiñi Biblia miʼ yʌl chaʼan Jehová Dios jiñʌch «tsaʼ bʌ i mele pejtelel familia» (Efesios 3:​14, 15). An jiñi familia come Jehová tsiʼ mele. ¿Chucoch ñucʌch i cʼʌjñibal cheʼ mi laj cʌn iliyi?

  Ñaʼtancu iliyi: Cheʼ wolic a cʼux wen sumuc bʌ bʌlñʌcʼʌl i a wom a ñaʼtan chuqui tsaʼ otsʌbenti cheʼ sumuc tsaʼ loqʼui, ¿majqui mi caj a cʼajtiben? Jiñʌch tsaʼ bʌ i chajpa jiñi bʌlñʌcʼʌl.

  Cheʼʌch miʼ yujtel jaʼel tiʼ tojlel jiñi familia, mi a wom a ñaʼtan chuqui yom maʼ mel chaʼan tijicña mi laʼ chumtʌl, yom bʌ maʼ cʼajtiben jiñʌch Jehová come jiñʌch tsaʼ bʌ i mele jiñi familia (Génesis 2:⁠18-​24).

•  Dios i wentajoñʌchla. Mi caj a taj a wenlel a wicʼot a familia mi mucʼʌch laʼ sʌclʌben jiñi i ticʼojel Jehová yaʼ ti Biblia «come Dios mucʼʌch i ñaʼtañetla» (1 Pedro 5:​6, 7). Jehová yom chaʼan tijicña mi lac chumtʌl. Jiñi i ticʼojel tac miʼ coltañonla tiʼ pejtelel ora (Proverbios 3:​5, 6; Isaías 48:​17, 18).