Mach wocolic yom miʼ chʼʌmbentel i sujm a cʌntesa

Tsaʼ bʌ i mele Jesús

VIDEO: Jesús miʼ cʼʌn jumpʼejl ejemplo chaʼan miʼ pʌs chaʼan Jehová miʼ cʌntañonla

1. Qʼuele jiñi VIDEO o pejcan Mateo 6:25-27. Cheʼ jiñi ñaʼtan ili cʼajtiya tac:

1. ¿Chuqui ti ejemplo tsiʼ cʼʌñʌ Jesús chaʼan miʼ pʌs chaʼan Jehová miʼ cʌntañonla?

2. Anquese Jesús i wen cʌñʌ jiñi xmateʼmut tac, ¿chucoch jiñi tsaʼ bʌ i yʌlʌ mach wocolic ti chʼʌmbentel i sujm?, ¿chucoch weñʌch iliyi chaʼan miʼ chaʼlen cʌntesa?

¿Chuqui mi laj cʌn tiʼ tojlel Jesús?

2. Mi mucʼʌch laj cʼʌn tʼan tac mach bʌ wocolic ti chʼʌmbentel i sujm, jiñi lac piʼʌlob maʼañic mi caj i ñajʌyelob i chaʼan i mi caj i cʼotelob tiʼ pusicʼal.

Lajin Jesús

3. Mach a cʌlʌx chaʼlen tʼan. Mach a luʼ tsictesʌben jiñi a estudiante chuqui a wujil chaʼan jiñi tema. Jin jach yom maʼ wʌl muʼ bʌ i tilel ti jiñi jun woli bʌ laʼ cʼʌn ti estudio. Cheʼ bʌ maʼ melben cʼajtiya pijtan chaʼan miʼ yʌqʼuen i jacʼbal. Pero ¿chuqui yom maʼ mel mi mach yujilic i jacʼbal o miʼ yʌl mach bʌ cheʼic bajcheʼ an ti Biblia? Melben yambʌ cʼajtiya tac jinto miʼ chʼʌmben i sujm, mi tsaʼix i chʼʌmbe i sujm cʼaxenla ti yambʌ punto.

4. Qʼuele chuqui yujilix bʌ jiñi a estudiante i cʼʌñʌ jiñi chaʼan maʼ coltan i chʼʌmben i sujm woli bʌ i cʌn. Ñaʼtancu, cheʼ bʌ mi caj laʼ qʼuel jumpʼejl lección muʼ bʌ i taj ti tʼan chaʼan mi caj i chaʼ cuxtʌyelob jiñi chʌmeñobix bʌ, tsʼitaʼ alʌ jachix chuqui yujilix bʌ jiñi a estudiante chaʼan jiñi tema.

5. Wen yajcan chuqui ti ejemplo mi caj a cʼʌn. Ñaxan cʼajtiben a bʌ:

1. «¿Wocol ba ti chʼʌmbentel i sujm?».

2. «¿Ora ba mi caj i chʼʌmben i sujm jiñi a estudiante?».

3. «¿Muʼ ba caj i cʼajtesan chuqui jiñi com bʌ c pʌsben o jin mi caj i cʼajtesan jiñi ejemplo?».