Laʼ lac chajpan lac bʌ chaʼan i Cʼajtesʌntel i chʌmel Jesús
Ti 13 i chaʼan nisán ti jabil 33 cheʼ bʌ muʼ to caj i tsʌnsʌntel Jesús, yujil chaʼan cojix bʌ acʼʌlel mi caj i yajñel yicʼot i yamigojob, cheʼ bʌ muʼ to caj i mel jiñi cojix bʌ Pascua yicʼot i tech jiñi tsijiʼ bʌ tempa bʌ: I Cena lac Yum. Wen ñuc ili tempa bʌ, jin chaʼan tsiʼ sube Pedro yicʼot Juan chaʼan miʼ qʼuelob chuqui yom miʼ chajpʌntel (Lc. 22:7-13). Cʼʌlʌl ili ora, wen ñuc i cʼʌjñibal cheʼ miʼ chajpañob i bʌ jiñi xñoptʼañob chaʼan i Cʼajtesʌntel i chʌmel Jesús (Lc. 22:19). Laʼ laj qʼuel chuqui yom chajpʌbil lac chaʼan cheʼ ti 3 i chaʼan abril.
Yom bʌ miʼ melob jiñi xsubtʼañob:
Yom miʼ wersa pucob jiñi lac pʌyol tiʼ Cʼajtesʌntel i chʌmel Jesús.
Yom miʼ tsʼijbuñob ti jun jiñi muʼ bʌ i pʌsbeñob estudio, i familiajob, i piʼʌlob ti escuela o ti troñel yicʼot yañoʼ bʌ chaʼan miʼ pʌyob ti jiñi tempa bʌ.
Yom miʼ pejcañob jiñi texto tac muʼ bʌ caj i pejcʌntel ti jiñi bʌ ora.
Yom miʼ subeñob jiñi quixtañujob chaʼan weñʌch cheʼ tsaʼ tiliyob tiʼ Cʼajtesʌntel i chʌmel Jesús.