¿Wolix ba a chajpan a bʌ chaʼan jiñi i Cʼajtesʌntel i chʌmel Jesús?

Jiñi cojix bʌ Pascua tsaʼ bʌ i mele Jesús wen ñucʌch i cʼʌjñibal come tsʼitaʼ jax yom chaʼan miʼ chʌmel yicʼot ti jimbʌ ora mi caj i tejchel i mejlel jiñi i Cena lac Yum. Jin chaʼan tsiʼ ñaʼta i mel yicʼot i yapóstolob, i tiʼ sube Pedro yicʼot Juan chaʼan miʼ chajpañob jumpʼejl cuarto (Lc. 22:7-13; qʼuele jiñi dibujo am bʌ tiʼ tejchibal). Ili miʼ cʼajtesʌbeñonla chaʼan yom chajpʌbilonla ti jiñi i Cʼajtesʌntel i chʌmel Jesús cheʼ ti 27 chaʼan marzo. Cheʼ miʼ cʼotel ili qʼuin, jiñi ancianojob ñaʼtʌbilobix i chaʼan majqui mi caj i ñusan jiñi discurso, jiñi pan yicʼot jiñi vino, o yan tac bʌ. Pero ¿chuqui yom maʼ mel chaʼan chajpʌbilet ti jimbʌ qʼuin?

Chajpan a pusicʼal. Wen ñaʼtan jiñi capítulo tac yajcʌbil bʌ chaʼan jiñi semana. Yaʼ ti folleto Laʼ lac tsajin jiñi Biblia ti jujumpʼejl qʼuin an jumpʼejl programa, i an ñumen tsʼʌcʌl bʌ yaʼ ti apéndice B12-A yicʼot ti B12-B ti jiñi La Biblia. Traducción del Nuevo Mundo yicʼot ti jiñi Jun chaʼan lac tempa bʌ i chaʼan abril, 2020. Mi a wom a ñumen cʌn yicʼot a familia chucoch ñuc i cʼʌjñibal jiñi i cuxtʌlel tsaʼ bʌ i yʌcʼʌ Jesús, miʼ mejlel a sʌclan yaʼ ti Índice de las publicaciones Watch Tower yicʼot yaʼ ti Guía de estudio para los testigos de Jehová.

Pʌyʌ jaʼel jiñi yañoʼ bʌ. Wen acʼʌ a coltaya ti jiñi ñuc bʌ subtʼan cheʼ bʌ mi caj i pujquel jiñi invitación. Miʼ mejlel a pʌy jiñi a revisita, jiñi tsaʼ bʌ a cʌn aqʼueyob estudio, jiñi a familia yicʼot jiñi a cʌñʌyoʼ bʌ. Jiñi ancianojob yom miʼ pʌyob jiñi inactivojoʼ bʌ. Mi juntiquil quixtañu mach yaʼic chumul yaʼ baqui chumulet, miʼ mejlel a taj yaʼ ti jw.org jiñi hora yicʼot baqui mi caj i mejlel yaʼ baqui lʌcʼʌl chumul jiñi quixtañu. Cucu yaʼ baqui miʼ yʌl CHAʼAN JOÑON LOJON i cheʼ jiñi petsʼej yaʼ baqui miʼ yʌl «I Cʼajtesʌntel i chʌmel Jesús».

¿Chuqui yambʌ yom maʼ mel chaʼan maʼ chajpan a bʌ?