¿Majqui yambʌ miʼ mejlel c suben?

Ti jujumpʼejl jab miʼ mejlel jiñi ñuc bʌ subtʼan chaʼan mi lac pʌy jiñi lac piʼʌlob chaʼan miʼ tempañob i bʌ yicʼotonla yaʼ tiʼ Cʼajtesʌntel i chʌmel Jesús. Cabʌl jiñi muʼ bʌ caj i cʼotelob mach laj cʌñʌyobic. Pero yom mi lac pʌy jaʼel jiñi laj cʌñʌyoʼ bʌ. Tajol mucʼʌch i jacʼ majlel jiñi lac piʼʌl cheʼ bʌ i cʌñʌyix jiñi woli bʌ i yʌqʼuen jiñi lac pʌyol (yb08-S 11 párr. 3; 14 párr. 1). ¿Majqui miʼ mejlel lac subeñob?

• Jiñi lac familiajob.

• Jiñi lac piʼʌlob ti eʼtel o ti qʼueljun.

• Jiñi lac piʼʌlob ti chumtʌl.

• Jiñi woli bʌ lac julaʼtañob, woli bʌ la cʌqʼueñob estudio o jiñi tsaʼ bʌ laj cʌn aqʼueyob estudio.

Jiñi ancianojob mi caj i pʌyob jaʼel jiñi hermanojob inactivojoʼ bʌ. ¿Chuqui miʼ mejlel a mel mi a wom a pʌy juntiquil a cʌñʌ bʌ ñajt bʌ baqui chumul? Sʌclan baqui yicʼot bajcheʼ ora miʼ cajel jiñi i Cʼajtesʌntel i chʌmel Jesús yaʼ baʼ lʌcʼʌl chumul jiñi a wom bʌ a suben chaʼan jiñi tempa bʌ. Miʼ mejlel a wochel yaʼ ti jw.org/ctu i cucu baqui miʼ yʌl CHAʼAN JOÑON LOJON, i cheʼ jiñi petsʼej baqui miʼ yʌl «I Cʼajtesʌntel i chʌmel Jesús». Cheʼ bʌ anto yom chaʼan ili tempa bʌ, techex a ñaʼtan majqui mi caj a suben i mele.