Yom wen chajpʌbilonla chaʼan mi lac sujtel ti wem bʌ xcʌntesa

Jesús chaʼyajl tsaʼ melbenti jiñi cʼajtiya chaʼan jiñi cuxtʌlel mach bʌ añic miʼ jilel. Ti jujumpʼejl cʼajtiya, tsiʼ jacʼʌ cheʼʌch bajcheʼ i cʼʌjñibal i chaʼañob jiñi tsaʼ bʌ i meleyob jiñi cʼajtiya (Lc. 10:25-28; 18:18-20). Cheʼ jaʼel, anquese wen cʌmbilix lac chaʼan jiñi temaj muʼ bʌ caj laj qʼuel yicʼot jiñi woli bʌ i chʼʌm estudio, yom mi lac wʌn chajpan lac bʌ chaʼan mi lac ñumen coltan. ¿Chuqui ti cʌntesʌntel maʼañic miʼ ñaʼtan ti ora o maʼañic miʼ ñop? ¿Baqui bʌ versículo tac muʼ bʌ i tilel yaʼ ti párrafo yom miʼ pejcʌntel? ¿Jaypʼejl párrafo yom mi laj qʼuel? Tajol yom mi lac ñaʼtan jumpʼejl lajiya, jumpʼejl i tsictesʌntel o cʼajtiya tac muʼ bʌ i coltan chaʼan miʼ chʼʌmben isujm. Cheʼ jaʼel, muʼ bʌ i yʌcʼ ti colel i sujmlel am bʌ tiʼ pusicʼal jiñi quixtañujob jiñʌch Jehová. Jin chaʼan, yom mi laj cʼajtiben chaʼan miʼ yʌqʼuen i bendición jiñi woli bʌ i chʼʌm estudio, lac chajpʌntel cheʼ mi caj la cʌcʼ estudio yicʼot cheʼ mi lac chaʼlen wersa laj coltan tiʼ chaʼan bʌ Dios (1 Co. 3:6; Stg. 1:5).