Tsijiʼ bʌ laj coltʌntel chaʼan mi lac tech tʼan

I pat Lac Tsictesʌbentel ti marzo i chaʼan 2016a yicʼot ti yan tac bʌ uw, baqui miʼ tilel temaj tac chaʼan ti lac pejtelel, miʼ chʼʌm tilel jiñi sección «¿Chuqui miʼ yʌl jiñi Biblia?». Miʼ mejlel ili sección chaʼan miʼ coltañonla lac tech tʼan. Lʌcʼʌ lajalʌch bajcheʼ jiñi tratado tac: Miʼ tilel jumpʼejl cʼajtiya chaʼan miʼ jajqʼuel, jumpʼejl i jacʼbal loqʼuem bʌ ti Biblia yicʼot yan tac bʌ tʼan.

An muʼ bʌ i tech i chʼʌmob jiñi estudio cheʼ bʌ tsaʼix i wen alʌyob jumpʼejl temaj loqʼuem bʌ ti Biblia. Cʼʌñʌ ili sección chaʼan maʼ coltan jiñi añoʼ bʌ i wiʼñal tiʼ chaʼan bʌ Dios (Mt. 5:6).

¿BAJCHEʼ MIʼ CʼɅJÑEL?

1. Cʼajtiben i yum otot chuqui miʼ yʌl chaʼan jiñi cʼajtiya.

2. Ñʌchʼtan i aqʼuen wocolix i yʌlʌ chaʼan i jacʼbal.

3. Pejcan jiñi texto am bʌ yaʼ ti «Muʼ bʌ i yʌl jiñi Biblia» i cʼajtiben chuqui miʼ ñaʼtan. Mi añʌch i yorajlel i chaʼan, cʼʌñʌ jiñi muʼ bʌ i tilel yaʼ baqui miʼ yʌl: «¿Chuqui miʼ bej al majlel jiñi Biblia?».

4. Aqʼuen jiñi revista.

5. Suben chuqui ti qʼuin mi caj a chaʼ julaʼtan chaʼan mi laʼ tsajin jiñi yambʌ cʼajtiya.