¿Woliyix baʼ cʼʌn jiñi aplicación JW Library?

JW Library jiñʌch jumpʼejl programa mach bʌ tojbilic muʼ bʌ i mejlel a chaʼlen ti instalar ti a celular, tableta o computadora chaʼan maʼ chaʼlen ti descargar jiñi Biblia, video, grabación yicʼot yan tac bʌ jun.

¿BAJCHEʼ MAʼ TAJ? Ochen ti Internet, chaʼlen ti descargar JW Library yaʼ baqui an jiñi aplicación tac i chaʼlen ti instalar. Ili miʼ mejlel ti baqui jach bʌ celular. Cheʼ bʌ tsaʼix ochiyet ti Internet, jamʌ jiñi aplicación i sʌclan a wom bʌ a chaʼlen ti descargar. Mi maʼañic a chaʼan, ochen ti jiñi Internet am bʌ yaʼ ti Yotlel Tempa bʌ, ti jumpʼejl biblioteca mach bʌ tojbilic o ti yambʌ parte. Mach i cʼʌjñibalix Internet chaʼan maʼ cʼʌn jiñi tsaʼ bʌ a chaʼle ti descargar. An cabʌl chuqui miʼ bej otsʌntel ti ili aplicación, jin chaʼan cheʼ bʌ tsaʼix ñumi ora yom maʼ chaʼlen ti descargar jiñi tsijib tac bʌ.

¿CHUCOCH I CʼɅJÑIBAL? Chaʼan maʼ bajñel pejcan jiñi Biblia yicʼot chaʼan tempa bʌ tac. I cʼʌjñibal ti subtʼan jaʼel, ñumento cheʼ mi lac chaʼlen subtʼan ti baqui jach.