¿Bajcheʼ tac miʼ cʼʌjñel JW Library?

CHAʼAN ESTUDIO:

• Pejcan Biblia yicʼot Examinando.

• Pejcan Anuario, revista yicʼot yan tac bʌ jun. Cʼʌñʌ jiñi «Marcadores».

• Chajpan a bʌ chaʼan jiñi tempa bʌ i boño i jacʼbal.

• Qʼuele video tac.

TI TEMPA BɅ TAC:

• Sʌclan jiñi texto woliʼ bʌ i yʌjlel. Cʼʌñʌ jiñi «Historial» chaʼan maʼ qʼuel jiñi tsaʼix bʌ a pejca.

• Chaʼan maʼañic maʼ cuch cabʌl jun, cʼʌñʌ JW Library yaʼ ti tempa bʌ yicʼot chaʼan maʼ chaʼlen cʼay. Ti ili aplicación muqʼuix i tilel jiñi tsijiʼ bʌ cʼay tac.

TI SUBTʼAN:

• Mi tsaʼ taja yom bʌ i ñumen cʌn, cʼʌñʌ JW Library chaʼan maʼ pʌsben jumpʼejl cʌntesʌntel, i coltan chaʼan miʼ chaʼlen ti descargar jiñi aplicación yicʼot jiñi jun tac yaʼ tiʼ celular.

• Cʼʌñʌ jiñi «Buscar» i tsʼijbun jumpʼejl o chaʼpʼejl tʼan am bʌ ti Biblia chaʼan maʼ taj jiñi texto baʼ miʼ tilel jiñi tʼan.

• Pʌsʌ jumpʼejl video. Mi an i yalobil jiñi quixtañu, miʼ mejlel a pʌsben jiñi video tac am bʌ yaʼ ti Sujten tiʼ yamigo Jehová. Chaʼan miʼ mulan i chʼʌm jumpʼejl estudio, miʼ mejlel a pʌsben jiñi video ¿Chucoch yom mi lac pejcan jiñi Biblia?. Mi yujil yambʌ tʼan, sʌclan video tac ti jiñi tʼan.

• Pʌsben jumpʼejl texto tsaʼ bʌ a wʌn chaʼle ti descargar ti yambʌ tʼan. Sʌclan i petsʼej jiñi versículo, cheʼ jiñi, petsʼej yaʼ baqui miʼ pʌs jiñi alʌ Biblia.