¿Muʼ baʼ cʼʌn jiñi tarjeta i chaʼan jw.org?

Yom miʼ mejlel ti ora jiñi subtʼan come woliʼ ñumen lʌcʼtiyel tilel jiñi ñuc bʌ wocol (Pr. 24:11, 12, 20). Junchajp bajcheʼ mi laj coltan jiñi quixtañujob jiñʌch cheʼ mi laj cʌybeñob jiñi tarjeta muʼ bʌ i chocob majlel yaʼ tiʼ Tʼan Dios yicʼot ti lac página chaʼan Internet. Miʼ chʼʌm tilel jumpʼejl código jiñi tarjeta muʼ bʌ i choconla majlel ti jiñi video ¿Chucoch yom mi lac pejcan jiñi Biblia?, yicʼot jiñi jun chaʼan pʌyol baqui miʼ mejlel i cʼajtiñob jumpʼejl estudio loqʼuem bʌ ti Biblia. An mach bʌ yomobic i pejcañob lac jun, pero miʼ mulañob ochel yaʼ ti lac página chaʼan Internet. Mi cheʼ bajcheʼ jiñi, miʼ mejlel a cʌyben jiñi tarjeta. Pero mach a cʌyben jiñi mach bʌ yomobic i ñʌchʼtan jiñi wen tʼan.

Ti baqui jach añonla ti jujumpʼejl qʼuin, miʼ mejlel lac suben majqui jach bajcheʼ ili: «Com j cʌqʼueñet ili tarjeta. Miʼ chʼʌm tilel jumpʼejl página chaʼan Internet baqui maʼ taj cabʌl video tac chʼʌmʌl bʌ tilel i chaʼan cabʌl temaj» (Jn. 4:7). Mach colemic jiñi tarjeta i miʼ mejlel ti cuchol ñumel tiʼ pejtelel ora i maʼ wʌcʼ cheʼ bʌ miʼ mejlel.