I MELBAL JIÑI XÑOPTʼAN
Ñumen weñʼesan a subtʼan: Cʌñʌ a cʼʌn jiñi jw.org
¿CHUCOCH ÑUC I CʼɅJÑIBAL? Tiʼ pejtelel jiñi jun tac am bʌ ti la queʼtijib chaʼan bʌ cʌntesa miʼ choconla majlel yaʼ ti jw.org. Cheʼ jaʼel, jiñi tarjeta i chaʼan jw.org yicʼot jiñi tratado ¿Baqui mi lac tajben i jacʼbal jiñi ñuc tac bʌ cʼajtiya chaʼan laj cuxtʌlel?, ñaʼtʌbil chaʼan mi lac choc majlel jiñi quixtañujob yaʼ ti página i chaʼan Internet jw.org. Miʼ mejlel laj cʼʌn jaʼel chaʼan mi lac choc majlel jun tac am bʌ ti la queʼtijib chaʼan bʌ cʌntesa, tajol ti jumpʼejl mensaje o mi lac chocben majlel baqui miʼ mejlel i taj jiñi jun. Ili miʼ mejlel i ñumen cʼʌjñibʌyel cheʼ bʌ mi lac suben wen tʼan jiñi yujiloʼ bʌ yambʌ tʼan. An i tajol jaʼel yom mi lac jacʼ cʼajtiya tac maʼañic bʌ mi lac tajben i jacʼbal yaʼ ti la queʼtijib chaʼan bʌ cʌntesa. Jin chaʼan, cheʼ la cujilʌch i cʼʌñol ti wen jiñi página i chaʼan Internet ñumen wen mi caj lac mel lac subtʼan.
¿BAJCHEʼ YOM MIʼ MEJLEL?
Cʼʌñʌ jiñi sección «CɅNTESA TAC». Jumpʼejl ejemplo, cheʼ bʌ mi lac pejcan juntiquil tatʌl choncol bʌ i pensalin bajcheʼ mi caj i cosan i yalobil, cucu ti CɅNTESA TAC > ÑUJPUÑEL YIC’OT FAMILIA.
Cʼʌñʌ jiñi sección «JUN TAC». Jumpʼejl ejemplo, mi juntiquil xcolel woli ti tʼan yicʼot i piʼʌl ti escuela i yom i pʌsben jiñi folleto I jacʼbal 10 cʼajtiya tac i chaʼan xcolelob, miʼ mejlel ti ochel yaʼ ti JUN TAC > LIBRO YICʼOT FOLLETO TAC.
Cʼʌñʌ jiñi sección «CHAʼAN JOÑON LOJON». Jumpʼejl ejemplo, mi woliyet ti tʼan a wicʼot juntiquil a piʼʌl ti eʼtel i a wom a tsictesʌben chuqui ñopol bʌ a chaʼan, cucu ti CHAʼAN JOÑON LOJON > CʼAJTIYA TAC MUʼ BɅ I ÑUMEN MEJLEL.
CHEʼ BɅ TSAʼIX LAʼ QʼUELE JIÑI VIDEO CɅÑɅ A CʼɅN JIÑI JW.ORG, QʼUELE BAQUI BɅ SECCIÓN MI CAJ A CʼɅN CHEʼ BɅ AN CHUQUI A WOM A TSICTESAN:
Chaʼan mi lac pejcan juntiquil maʼan bʌ miʼ chʼujbin Dios.
Chaʼan mi lac tijicñesan juntiquil tsaʼ bʌ i taja tsʌts bʌ wocol.
Chaʼan mi laj coltan juntiquil inactivo.
Chaʼan mi lac tsictesan baqui miʼ tilel jiñi taqʼuin chaʼan bʌ jiñi la queʼtel.
Chaʼan mi laj coltan juntiquil tilem bʌ ti yambʌ país yom bʌ majlel ti tempa bʌ cheʼ bʌ miʼ cʼotel yaʼ baqui chʼoyol.