Laʼ lac mel oración tiʼ tojlel jiñi woli bʌ i contrajintelob

Jiñi Biblia tsiʼ wʌn alʌ chaʼan Satanás mi caj i contrajiñonla chaʼan maʼan mi lac chaʼlen subtʼan (Jn. 15:20; Ap. 12:17). ¿Am ba chuqui miʼ mejlel lac mel tiʼ tojlel jiñi hermanojob woli bʌ i contrajintelob? Añʌch, miʼ mejlel lac tajob ti oración. Jiñi Biblia miʼ yʌl chaʼan cabʌlʌch i pʼʌtʌlel i yoración jiñi toj bʌ (Stg. 5:16).

¿Chuqui miʼ mejlel la cʌl? Laʼ laj cʼajtiben Jehová chaʼan miʼ yʌqʼueñob i chʼejlel yicʼot chaʼan maʼañic miʼ chaʼleñob bʌqʼuen (Is. 41:10-13). Laʼ laj cʼajtiben jaʼel chaʼan jiñi yumʌlob maʼañic miʼ mʌctañonla ti subtʼan chaʼan «ñʌchʼʌl mi la cajñel tiʼ tijicñʌyel lac pusicʼal» (1 Ti. 2:1, 2).

Cheʼ bʌ Pablo yicʼot Pedro tsaʼ contrajintiyob, jiñi xñoptʼañob tsiʼ chaʼleyob oración tiʼ tojlelob i tsiʼ yʌlbeyob i cʼabaʼ (Hch. 12:5; Ro. 15:30, 31). Mi mach la cujil i cʼabaʼ jiñi hermanojob choncol bʌ i contrajintelob, miʼ mejlel la cʌl i cʼabaʼ jiñi congregación, jiñi país o tejclum.

Tsʼijbun jiñi tejclum tac baqui an hermanojob woli bʌ i yilañob wocol chaʼan maʼ mel oración tiʼ tojlelob