Yom mi lac chaʼlen subtʼan yicʼot cʌntesa chaʼan mi lac sutqʼuin ti xcʌntʼan yambʌlob

Jesús tsiʼ choco majlel i wiñicob chaʼan miʼ sutqʼuiñob ti xcʌntʼan yambʌlob (Mt. 28:19). Chaʼan mi lac jacʼ jiñi mandar yom mi lac chaʼlen subtʼan yicʼot cʌntesa. Yom mi lac bixel cʼajtiben lac bʌ: «¿Bajcheʼto miʼ mejlel c ñumen weñʼesan jiñi i cʼʌjñibal bʌ tic subtʼan?».

JIÑI SUBTʼAN

Mach lac pijtan chaʼan miʼ tilel jiñi quixtañujob, joñonla yom mi lac majlel yaʼ baqui añob (Mt. 10:11). ¿Muʼ ba lac pejcan jiñi quixtañujob muʼ bʌ lac tajob yaʼ ti bij? (Hch. 17:17). Lidia tsaʼ sujti ti xcʌntʼan come jiñi apóstol Pablo tsiʼ chaʼle wersa subtʼan (Hch. 16:13-15).

CHEʼ BɅ TSAʼIX LAʼ QʼUELE JIÑI VIDEO LAʼ LAC ‹CHɅN SUB› JIÑI WEN TʼAN TAC: TI BAQUI JACH BɅ PARTE YICʼOT TI OTOT TAC, JACʼɅ ILI CʼAJTIYA TAC:

• ¿Bajcheʼ tsiʼ pʌsʌ Samuel chaʼan mucʼʌch i yʌcʼ wersa i pʌcʼ jiñi i sujmlel?

• ¿Chucoch yom mi lac chaʼlen wersa lac mel ti chajp ti chajp jiñi subtʼan?

• ¿Majqui miʼ mejlel c suben chaʼan jiñi Yumʌntel cheʼ woli c mel queʼtel?

JIÑI CɅNTESA

Chaʼan mi lac sutqʼuin ti xcʌntʼan yambʌlob, mach cojach yom mi laj cʌybeñob jun tac. Yom mi lac julaʼtañob yicʼot mi la cʌqʼueñob estudio chaʼan miʼ colelob tiʼ chaʼan bʌ Dios (1 Co. 3:6-9). Pero ¿ixcu mi maʼañic miʼ colel majlel tiʼ chaʼan bʌ Dios jiñi woli bʌ laj cʌntesan? (Mt. 13:19-22). Mach yom mi laj cʌy lac sʌclan jiñi yomoʼ bʌ i cʌn i sujmlel (Mt. 13:23; Hch. 13:48, TNM).

CHEʼ BɅ TSAʼIX LAʼ QʼUELE JIÑI VIDEO LAʼ LAC ‹CHɅN SUB› JIÑI WEN TʼAN TAC: BAQUI MIʼ ÑUMEL CABɅL QUIXTAÑUJOB YICʼOT CHEʼ MI LAC SUTQʼUIN TI XCɅNTʼAN YAMBɅLOB, JACʼɅ ILI CʼAJTIYA TAC:

• ¿Chuqui tsiʼ mele Salomón yicʼot María chaʼan miʼ colel majlel jiñi i sujmlel am bʌ tiʼ pusicʼal Ezequiel yicʼot Abigail?

• ¿Chuqui jiñi com bʌ lac taj cheʼ bʌ mi lac chaʼlen subtʼan ti chajp ti chajp o cheʼ mi lac mel yaʼ baqui miʼ ñumel cabʌl quixtañujob?

• ¿Chuqui an i tajol mi caj lac mel chaʼan jiñʌch ñaxan yom mi la cʌcʼ ti cʌñol jiñi i sujmlel?