Laʼ lac chʌn tsajcʌben i melbal Cristo

Ti lac pejtelel yom mi lac lajin Jesús, ñumento cheʼ bʌ mi lac ñusan tsʌts tac bʌ wocol o tsʼaʼlentel (1 P. 2:21-23). Cheʼ bʌ woli ti wajlentel maʼañic baqui ora tsiʼ jacʼʌ, mi jiñicto cheʼ bʌ yʌquel i tʌcʼlʌntel (Mr. 15:29-32). ¿Chuqui tsiʼ colta i lʌtʼ jiñi wocol tac? Jiñʌch cheʼ miʼ mel chuqui yom bʌ Jehová (Jn. 6:38). Cheʼ jaʼel, cojach tsiʼ ñaʼta «jini tijicña bʌ woli bʌ i pijtan» (He. 12:2).

¿Chuqui mi lac mel cheʼ bʌ mi lac tʌcʼlʌntel tiʼ caj lac ñopoñel? Jiñi isujm bʌ xñoptʼañonla maʼañic ‹mi laj qʼuextan jontolil› (Ro. 12:14, 17). Tijicñayonla cheʼ mi lac lajin bajcheʼ tsiʼ lʌtʼʌ Jesús jiñi tʌcʼlʌntel come utsʼat woliʼ qʼuelonla Jehová (Mt. 5:10-12; 1 P. 4:12-14).

CHEʼ BɅ TSAʼIX LAʼ QʼUELE JIÑI VIDEO MAʼAÑIC CHUQUI YAMBɅ ÑUMEN ÑUC BɅ CHEʼ BAJCHEʼ I CʼABAʼ JEHOVÁ, JACʼɅLA ILI CʼAJTIYA TAC:

• ¿Chuqui tsiʼ mele jiñi hermana Poetzinger chaʼan miʼ cʼʌn ti wen jiñi ora cheʼ bʌ tsaʼ bajñel ajqʼui ti jumpʼejl cuarto yaʼ ti cárcel?

• ¿Chuqui tac ti wocol tsiʼ lʌtʼʌyob jiñi hermano Poetzinger yicʼot i yijñam cheʼ bʌ tsaʼ ajñiyob yaʼ ti campo i chaʼan nazijob?

• ¿Chuqui tsiʼ coltayob i lʌtʼ jiñi wocol?