Chʌn ñaʼtanla iliyi

¿Chuqui jiñi yom bʌ mi lac chʌn ñaʼtan? Filipenses 4:8 miʼ yʌl chaʼan yom mi lac ñaʼtan chuqui tac i sujm, chuqui tac toj, chuqui tac utsʼat, chuqui tac sʌc, chuqui tac i tʼojol, chuqui tac wen yicʼot chuqui yom bʌ miʼ sujbel ti ñuc. Iliyi mach yomic i yʌl chaʼan jiñi xñoptʼañonbʌla yom mi lac ñaʼtan tiʼ pejtelel ora jiñi i chaʼan bʌ Biblia. Pero yomʌch mi lac wen ñaʼtan jiñi muʼ bʌ i mulan Jehová i mach jiñic muʼ bʌ i cʼunʼesan lac xucʼtilel (Sal. 19:14).

Wocolʌch chaʼan mi laj cʌy lac ñaʼtan jiñi mach bʌ weñic come xmulilonla i cheʼ jaʼel woliʼ contrajiñonla Satanás, «i dios jini jontoloʼ bʌ ti pañimil», jin chaʼan yom mi lac chaʼlen wersa (2 Co. 4:4). Come Satanás an tiʼ wenta tiʼ pejtelel chuqui tac an ti pañimil, jin chaʼan jiñi muʼ bʌ i ñumel ti televisión, ti radio, ti Internet yicʼot muʼ bʌ lac taj ti libro tac, maʼañic miʼ yʌcʼ ti qʼuejlel ti ñuc i mandar Jehová. Jin chaʼan, mi mach weñic mi lac yajcan chuqui mi la cotsan ti lac pensar mi caj ticʼlañonla i cheʼ jaʼel ti lac melbal (Stg. 1:14, 15).

CHEʼ BɅ TSAʼIX LAʼ QʼUELE JIÑI VIDEO MACH LAC MEL MUʼ BɅ I CʼUNʼESAN LAC XUCʼTILEL: ÑUSAQʼUIN MACH BɅ WEÑIC, JACʼɅ ILI CʼAJTIYA TAC:

• 

  ¿Chuqui tsiʼ qʼuele tiʼ teléfono jiñi hermano, i bajcheʼ tsiʼ ticʼla?

• 

  ¿Bajcheʼ tsiʼ colta Gálatas 6:7, 8 yicʼot Salmo 119:37?