¿Mucʼʌch ba lac chʼʌm ti ñuc jiñi i Tʼan Dios?

Jiñi Biblia miʼ chʼʌm tilel i ñaʼtʌbal Jehová yicʼot chuqui muʼ bʌ i yʌl (2 P. 1:20, 21). Cheʼ bʌ jiñi Biblia miʼ yʌl chaʼan Jehová mi caj i cʼʌn i Yumʌntel chaʼan miʼ yʌcʼ ti ñaʼtʌntel chaʼan jiñʌch an tiʼ wenta miʼ chaʼlen yumʌntel, woliʼ yʌcʼ jumpʼejl pijtaya chaʼan mach jalix mi caj tilel jiñi tijicñʌyel. Cheʼ jaʼel, miʼ pʌsbeñonla utsʼat tac bʌ i melbal Jehová (Sal. 86:15).

Añʌch chucoch mi lac wen chʼʌm ti ñuc jiñi i Tʼan Dios. Pero ¿woliyʌch ba lac pejcan ti jujumpʼejl qʼuin yicʼot mi lac jacʼ chuqui miʼ yʌl chaʼan mi lac pʌs chaʼan mucʼʌch laj qʼuel ti ñuc? Yom mi lac pʌs ti lac melbal chaʼan cheʼʌch mi la cubin bajcheʼ tsiʼ yʌlʌ jiñi salmista: «Cabʌl mij cʼuxbin a tʼan» (Sal. 119:97).

CHEʼ BɅ TSAʼIX LAʼ QʼUELE JIÑI VIDEO TSIʼ CHʼɅMɅYOB TI ÑUC JIÑI BIBLIA: I XUJTʼIL (WILLIAM TYNDALE), JACʼɅ ILI CʼAJTIYA TAC:

• 

  ¿Chucoch tiʼ tsʼitaʼ chaʼle ti traducir William Tyndale jiñi Biblia?

• ¿Chucoch tsaʼ qʼuejli ti ñuc cheʼ tsiʼ chaʼle ti traducir jiñi Biblia?

• ¿Bajcheʼ tsaʼ cʼoti ti Inglaterra jiñi Biblia tsaʼ bʌ i chaʼle ti traducir Tyndale?

• ¿Bajcheʼ miʼ mejlel lac pʌs chaʼan mucʼʌch lac chʼʌm ti ñuc jiñi i Tʼan Dios?