Jiñi lum «tsiʼ japʌ jini colem jaʼ»

Cʼʌlʌl ti wajali, jiñi yumʌlob an i coltayob i tejclum Jehová (Esd. 6:1-12; Est. 8:10-13). Ili ora jaʼel an laj qʼuele chaʼan «jini lum» (jiñi yumʌlob muʼ bʌ i coltañob i tejclum Jehová ti ili ora) an i japʌ jiñi «colem jaʼ», ili jiñʌch jiñi ticʼlʌntel am bʌ i choco tilel jiñi dragón, Satanás (Ap. 12:16). Jehová, jiñi Dios «muʼ bʌ i coltañonla», an i ñijcʌbe i pensar jiñi yumʌlob chaʼan miʼ coltʌben i tejclum (Sal. 68:20; Pr. 21:1).

Pero mi jatet añet ti cárcel tiʼ caj a ñopoñel, yom maʼ chʌn cʼajtesan chaʼan Jehová woliʼ cʌntañet (Gn. 39:21-23; Sal. 105:17-20). Miʼ mejlel a ñop chaʼan jiñi a ñopoñel miʼ caj i yʌqʼueñet a chobejtʌbal i jiñi a xucʼtʌlel miʼ pʼʌtʼesan jiñi hermanojob tiʼ petol pañimil (Fil. 1:12-14; Ap. 2:10).

CHEʼ BɅ TSAʼIX LAʼ QʼUELE JIÑI VIDEO HERMANOJOB AÑOʼ BɅ TI COREA TSAʼ LOQʼUIYOB TI CÁRCEL, JACʼɅ ILI CʼAJTIYA TAC:

• ¿Chucoch an otsʌntiyob ti cárcel yonlel hermanojob yaʼ ti Corea del Sur cʼʌlʌl ti wajali?

• ¿Chuqui tsaʼ bʌ i yʌlʌ jiñi juezob añoʼ bʌ yaʼ ti melobʌjʌl tsaʼ bʌ i colta jiñi hermanojob chaʼan miʼ loqʼuelob ti cárcel cheʼ maxto i yorajlelic miʼ loqʼuelob?

• ¿Bajcheʼ miʼ mejlel laj coltan jiñi hermanojob añoʼ bʌ ti cárcel tiʼ caj i ñopoñelob?

• ¿Chuqui yom mi lac mel cheʼ bʌ librejontola ili ora?

• ¿Majqui yom bʌ miʼ yʌqʼuentel i ñuclel cheʼ bʌ an chuqui wem bʌ loqʼuen ti jiñi melobʌjʌl tac?