¿Chuqui miʼ cʌntesañonla jiñi cʼay tac?

¿Baqui tac bʌ cʼay am bʌ yaʼ ti JW Broadcasting^® maʼ wen mulan? ¿Chucoch? Come jiñi video yicʼot bʌ música miʼ pʌs chuqui tac mi lac ñusan ti jujumpʼejl qʼuin. Mach junsujmic jach jiñi cʼay, jin chaʼan añʌch muʼ bʌ lac wen mulan. Pero jiñi cʼay tac yicʼot jiñi video tac yicʼot bʌ música mach jumpʼejlic jach ñusaqʼuin.

Tiʼ pejtelel jiñi cʼay tac miʼ mejlel i coltañonla ti laj cuxtʌlel yicʼot ti lac subtʼan. An cʼay tac muʼ bʌ i yʌl chaʼan yom mi lac pʌy ti la cotot yambʌlob, chaʼan temel mi la cajñel, chaʼan la camigojob, lac chʼejlel, laj cʼuxbiya yicʼot lac ñopoñel. An yan tac bʌ muʼ bʌ i subeñonla chaʼan mi lac chaʼ sujtel baʼan Jehová, chaʼan mi lac ñusʌben i mul yambʌlob, chaʼan mi lac pʌs lac xucʼtʌlel ti jujumpʼejl qʼuin yicʼot chaʼan mi lac sʌclan bajcheʼ miʼ mejlel lac ñumen melben i yeʼtel Jehová. An yambʌ muʼ bʌ i yʌl chaʼan pʼisbil jach yom mi laj cʼʌn jiñi celular. ¿Chuqui an i cʌntesayet jiñi cʼay tac?

CHEʼ BɅ TSAʼIX LAʼ QʼUELE JIÑI VIDEO YICʼOT BɅ MÚSICA LɅCʼɅLIX JIÑI PARAÍSO, JACʼɅ ILI CʼAJTIYA TAC:

• ¿Baqui bʌ pijtaya woliʼ ñaʼtañob jiñi xñujpuñel añobix bʌ i jabilel? (Gn. 12:3).

• ¿Chuqui miʼ mejlel lac mel chaʼan mi lac ñumen ñop chaʼan mucʼʌch caj i tsʼʌctesan Jehová tiʼ pejtelel chuqui tsaʼ bʌ i wʌn alʌ?

• ¿Majquiyob jiñi lʌcʼʌlix bʌ mi caj lac chaʼ qʼuelob?

• ¿Bajcheʼ miʼ coltañonla jiñi lac pijtaya am bʌ lac chaʼan tiʼ Yumʌntel Dios chaʼan mi lac chʌn lʌtʼ majlel jiñi wocol tac woli bʌ lac ñusan ili ora? (Ro. 8:25).