¿Tsaʼix baʼ chajpa a bʌ?

¿Chajpʌbilet ba cheʼ muqʼuic i yujtel yujquel lum, tsʌts bʌ icʼ jaʼal, cheʼ miʼ pulel mateʼel yicʼot cheʼ bʌ miʼ yujtel butʼjaʼ? Tiʼ pejtelel iliyi bajcheʼ jach ora miʼ mejlel ti ujtel i miʼ chʼʌm tilel cabʌl wocol. Cheʼ jaʼel, an i tajol an terrorismo, miʼ tempañob i bʌ lac piʼʌlob chaʼan miʼ techob wocol yicʼot cʼamʌjel tac muʼ bʌ i pam pujquel, i mach ñaʼtʌbilic bajcheʼ ora miʼ mejlel ti ujtel iliyi (Ec. 9:11, 12). Mach yomic mi lac ñaʼtan chaʼan iliyi maʼañic baqui ora mi caj i yujtel ti lac lumal.

Ti lac pejtelel yom la cujil chuqui mi caj lac mel cheʼ bʌ miʼ yujtel ili wocol tac (Pr. 22:3). Anquese jiñi i yorganización Jehová añʌch chuqui miʼ mel cheʼ bʌ miʼ yujtel tac ili wocol, ti jujuntiquil yom mi lac chajpan lac bʌ chaʼan mi lac ñaʼtan chuqui mi lac mel cheʼ bʌ miʼ yujtel jumpʼejl wocol (Gá. 6:5).

CHEʼ BɅ TSAʼIX LAʼ QʼUELE JIÑI VIDEO ¿CHAJPɅBILET BA MI TSAʼ ÑUMI JIÑI TSɅTS BɅ ICʼ JAʼAL O YAN TAC BɅ WOCOL?, JACʼɅ ILI CʼAJTIYA TAC:

• 

  Mi weñʌch bajcheʼ añet a wicʼot Jehová, ¿bajcheʼ mi caj i coltañet jiñi cheʼ bʌ miʼ ñumel jumpʼejl tsʌts bʌ wocol?

• 

  ¿Chucoch ñuc i cʼʌjñibal...

  • • mi la cʌqʼuen lac dirección, i númerojlel lac teléfono jiñi ancianojob cheʼ bʌ maxto ujt jumpʼejl wocol?

  • • yom an lac chaʼan jiñi mochila chaʼan emergencia? (g17.5-S 6).

  • • mi la cʌl baqui tac bʌ wocol miʼ mejlel tiʼ ujtel yaʼ baqui chumulonla, i chuqui miʼ mejlel lac mel?

• 

  ¿Chuqui tac miʼ mejlel lac mel chaʼan mi laj coltan jiñi muʼ bʌ i ñusañob wocol?