Ñumen weñʼesan a subtʼan: Suben wen tʼan juntiquil am bʌ i chaʼan interfono o cámara tiʼ yotot

¿CHUCOCH ÑUC I CʼɅJÑIBAL? Come wolix i ñumen mejlel mach tac bʌ weñic, jin chaʼan jiñi lac piʼʌlob miʼ yotsañob cámara tac o interfono tiʼ yototob chaʼan miʼ cʌntañob i bʌ. Tajol mi lac bʌcʼñan lac suben wen tʼan juntiquil lac piʼʌl woli bʌ i qʼuelonla, pero joñonla maʼañic mi lac taj laj qʼuel. ¿Bajcheʼ miʼ mejlel lac subeñob wen tʼan? Laʼ laj qʼuel muʼ bʌ mejlel i coltañonla lac chaʼlen subtʼan.

¿BAJCHEʼ YOM MIʼ MEJLEL?

• Yom wen chuqui maʼ ñaʼtan. An cabʌl lac piʼʌlob añoʼ bʌ i chaʼan cámara o interfono tiʼ yotot mucʼʌch bʌ i mulan i ñʌchʼtañoñobla.

• Cʼajtesan chaʼan an cámara tac muqʼuix bʌ i chaʼleñonla ti grabar anquese maxto lac petsʼe jiñi timbre, i jiñi lac piʼʌlob miʼ ñʌchʼtañoñobla yicʼot i qʼueloñobla cheʼ bʌ tsaʼix lac lʌcʼtesa lac bʌ tiʼ tiʼ i yototob.

• Cheʼ bʌ an majqui miʼ jacʼ, pejcan cheʼ bajcheʼ yaʼʌch waʼal yilal. Chaʼlen tseʼñal yicʼot ñijcan a ñiʼ a wut cheʼ bajcheʼ ñʌmʌl a mel. Suben jiñi colel bʌ a suben cheʼ tsaʼic i jambeyet i puerta. Mi an jumpʼejl cámara ti jiñi otot, mach a wen lʌcʼtesan a bʌ ti jiñi cámara. Mi maʼañic miʼ jacʼ, maʼan chuqui maʼ wʌl i sujteñix.

• Cʼajtesan chaʼan cheʼ bʌ tsaʼix ujti a suben jiñi wen tʼan, tajol wolito i bej qʼuelet yicʼot i ñʌchʼtañet.