Cʼʌñʌ ejemplo tac yicʼot lajiya ti a cʌntesa

Cheʼ bʌ mi lac mel revisita o cheʼ bʌ mi la cʌcʼ estudio, yom mi laj coltan jiñi quixtañujob chaʼan miʼ chʼʌmbeñob i sujm jiñi ñuc tac bʌ i cʼʌjñibal. Mi mucʼʌch laj cʼʌn ejemplo tac yicʼot lajiya tac, mi caj i cʼotelob tiʼ pusicʼal yicʼot mi caj i chʌn cʼajtesañob jiñi muʼ bʌ cʌñob.

Cheʼ bʌ woli a chajpan a bʌ chaʼan jumpʼejl revisita o jumpʼejl estudio, qʼuele jiñi ñuc tac bʌ i cʼʌjñibal muʼ bʌ caj a wʌl i mach jiñic jiñi mach bʌ wen i wersajic chaʼan maʼ taj ti tʼan. Cheʼ jiñi, yajcan chuqui ti lajiya yicʼot ejemplo tac mi caj a cʼʌn (Mt. 5:14-16; Mr. 2:21; Lc. 14:7-11). Cʼajtesan chuqui yujilix jiñi quixtañu yicʼot bajcheʼ yilal woliʼ ñusan tiʼ cuxtʌlel (Lc. 5:2-11; Jn. 4:7-15). Tijicña mi caj a wubin a bʌ cheʼ bʌ maʼ qʼuel chaʼan tijicña jiñi quixtañu come tsiʼ chʼʌmbe i sujm jumpʼejl cʌntesa.

CHEʼ BɅ TSAʼIX LAʼ QʼUELE JIÑI VIDEO MI LA CUBIN TIJICÑɅYEL CHEʼ MI LAC SUTQʼUIN TI XCɅNTʼAN YAMBɅLOB. LAʼ LAC ÑUMEN WEÑʼESAN LAJ CɅNTESA: LAʼ LAJ CʼɅN EJEMPLO TAC YICʼOT LAJIYA TAC CHEʼ BɅ MI LAC CHAʼLEN CɅNTESA, JACʼɅ ILI CʼAJTIYA TAC:

• 

  ¿Chucoch an i tajol yomob coltʌntel jiñi quixtañujob chaʼan miʼ chʼʌmben i sujm jiñi texto tac loqʼuem bʌ ti Biblia?

• 

  ¿Chuqui ti ejemplo tsiʼ cʼʌñʌ Rita chaʼan miʼ tsictesan Romanos 5:12?

• 

  ¿Bajcheʼ miʼ mejlel i coltan jiñi quixtañujob mi mucʼʌch lac wen ñaʼtan jiñi lajiya tac muʼ bʌ lac subeñob?

• ¿Chucoch yom mi laj cʼʌn jiñi video tac yicʼot jiñi yan tac bʌ la queʼtijib muʼ bʌ i yʌqʼueñonla jiñi organización?