Mele ti wen jiñi cʼajtiya tac

Jehová, «jiñi tijicña bʌ Dios», yom chaʼan tijicñayonla ti subtʼan (1 Ti. 1:11, TNM). Mi caj lac ñumen ubin lac tijicñʌyel mi mucʼʌch lac ñumen weñʼesan laj cʌntesa. Jiñi cʼajtiya tac mejl i coltañonla chaʼan jiñi quixtañu miʼ ñʌchʼtañonla, i jiñʌch bajcheʼ miʼ mejlel lac tech tʼan. I miʼ coltan jiñi quixtañu chaʼan miʼ wen ñaʼtan i jacʼbal jiñi cʼajtiya (Mt. 22:41-45). Mi mucʼʌch lac mel cʼajtiya tac yicʼot mi lac ñʌchʼtʌben i jacʼbal, mi caj lac pʌsben jiñi quixtañu chaʼan mucʼʌch laj qʼuelob ti ñuc (Stg. 1:19). Jiñi i jacʼbal muʼ bʌ i yʌcʼ mi caj i coltañonla lac ñaʼtan chuqui mi caj lac bej suben.

CHEʼ BɅ TSAʼIX LAʼ QʼUELE JIÑI VIDEO MI LA CUBIN TIJICÑɅYEL CHEʼ MI LAC SUTQʼUIN TI XCɅNTʼAN YAMBɅLOB. LAʼ LAC ÑUMEN WEÑʼESAN LAJ CɅNTESA: LAʼ LAJ CʼɅN TI WEN JIÑI CʼAJTIYA TAC, JACʼɅ ILI CʼAJTIYA TAC:

• 

  ¿Chuqui wen tac bʌ melbalʌl an i chaʼan Coral?

• 

  ¿Chuqui tsiʼ mele Rita chaʼan miʼ pʌs chaʼan mucʼʌch i qʼuel ti ñuc Coral?

• 

  ¿Chuqui tsiʼ cʼajtibe Rita jiñi Coral chaʼan miʼ ñʌchʼtan muʼ bʌ i yʌl jiñi Biblia?

• 

  ¿Chuqui tsiʼ cʼajtibe Rita jiñi Coral chaʼan miʼ chʼʌmben i sujm muʼ bʌ i yʌl jiñi Biblia?