Coltañob jiñi muʼ bʌ a wʌqʼueñob estudio chaʼan miʼ sujtelob tiʼ yamigo Jehová

Jehová yom chaʼan mi lac melben i yeʼtel come mi laj cʼuxbin (Mt 22:37, 38). Mi jiñi muʼ bʌ a wʌqʼuen estudio mucʼʌch i cʼuxbin Dios jiñʌch muʼ bʌ caj i yʌqʼueñob i pʼʌtʌlel chaʼan miʼ qʼuextañob i melbal, chaʼan miʼ lʌtʼob wocol i cheʼ jaʼel mi caj i coltañob chaʼan miʼ chʼʌmob jaʼ (1Jn 5:3).

Coltan jiñi muʼ bʌ a wʌqʼueñob estudio chaʼan miʼ cʌñob chaʼan Jehová miʼ cʼuxbiñob. Melbeñob cʼajtiya tac bajcheʼ ili: «¿Chuqui miʼ pʌsbeñet ili tiʼ tojlel Dios?» o «¿bajcheʼ miʼ pʌsbeñet ili chaʼan Jehová miʼ cʼuxbiñet?». Coltañob i qʼuel bajcheʼ Jehová woliʼ coltañob (2 Cr. 16:9). Subeñob bajcheʼ ti a qʼuele chaʼan Jehová tsaʼʌch i jacʼʌ a woración i subeñob jaʼel chaʼan miʼ qʼuelob chuqui miʼ mel Dios chaʼan miʼ jacʼbeñob i yoración. ¡Wen tijicña mi caj a wubin cheʼ jiñi muʼ bʌ a wʌqʼuen estudio i yamigojix Jehová yicʼot muqʼuix i wen cʼuxbiñob i bʌ!

CHEʼ BɅ TSAʼIX LAʼ QʼUELE JIÑI VIDEO LAʼ LAJ COLTAN JIÑI MUʼ BɅ LA CɅQʼUEÑOB ESTUDIO CHAʼAN MIʼ SUJTELOB TIʼ YAMIGO JEHOVÁ, JACʼɅ ILI CʼAJTIYA TAC:

• 

  ¿Chuqui ti wocol woliʼ mʌctan Coral?

• 

  ¿Chuqui tsiʼ mele Rita chaʼan miʼ coltan?

• 

  ¿Chuqui tsiʼ mele Coral chaʼan maʼañic miʼ mʌctan jiñi wocol?