Coltañob jiñi muʼ bʌ a wʌqʼueñob estudio chaʼan miʼ cʌy i melob mach bʌ weñic

Chaʼan miʼ sujtelob ti wem bʌ i yamigo Jehová jiñi muʼ bʌ a wʌqʼueñob estudio, yom miʼ cʌyob i mel mach bʌ weñic (1Pe 1:14-16). Mi mucʼʌch i mejlel i cʌyob, tajol wen mi caj i yajñel yicʼot i familia, cʼocʼ mi caj i yajñel i maʼañic mi caj i taj wocol chaʼan taqʼuin.

Jamʌ suben jiñi a estudiante baqui tac bʌ i mandar Jehová, i chuqui ti wenlel mi caj i taj mi mucʼʌch i jacʼ. I coltañob chaʼan miʼ qʼuextañob muʼ bʌ i ñaʼtañob i chaʼan ti wiʼil mi caj i melob muʼ bʌ i mulan Jehová (Ef 4:22-24). Subeñob chaʼan Jehová mi caj i chʌn coltañob chaʼan miʼ cʌyob i mel mach bʌ weñic anquese ñoj ñʌmʌl i melob (Flp 4:13). Cʌntesañob chaʼan cojach ti Jehová yom miʼ sʌclañob i coltʌntel cheʼ woliʼ yubiñob chaʼan yom i melob mach bʌ weñic. I coltañob chaʼan miʼ cʌñob baqui tac bʌ miʼ mejlel i pʌyob majlel ti mulil, i subeñob chaʼan laʼ i ñaʼtañob chuqui wem bʌ mi woliʼ ñaʼtañob mach bʌ weñic. I cheʼ bʌ maʼ qʼuel jiñi muʼ bʌ a wʌqʼuen estudio woliʼ qʼuextan majlel i melbal yicʼot i coltaya Jehová, tijicña mi caj a wubin.

CHEʼ BɅ TSAʼIX LAʼ QʼUELE JIÑI VIDEO LAʼ LAJ COLTAN JIÑI MUʼ BɅ LA CɅQʼUEÑOB ESTUDIO CHAʼAN MIʼ CɅYOB I MELOB MUʼ BɅ I TSʼAʼLEN JEHOVÁ, JACʼɅ ILI CʼAJTIYA TAC:

• 

  ¿Bajcheʼ yilal tsiʼ jacʼʌyob jiñi ancianojob yicʼot Rita cheʼ bʌ Coral tsiʼ yʌlʌ chaʼan miʼ ñucʼ marihuana?

• 

  ¿Chuqui tsiʼ mele Rita chaʼan miʼ coltan Coral?

• 

  ¿Chuqui tsiʼ mele Coral chaʼan miʼ coltʌntel ti Jehová?