Cʼoten tiʼ pusicʼal jiñi quixtañujob

Jiñi i jacʼol i tʼan Dios yom loqʼuem ti lac pusicʼal (Pr. 3:1). Jin chaʼan, cheʼ bʌ mi lac chaʼlen cʌntesa, yom mi lac chaʼlen wersa chaʼan mi laj cʼotel tiʼ pusicʼal jiñi muʼ bʌ i ñʌchʼtañoñobla. ¿Bajcheʼ miʼ mejlel lac mel?

Jiñi estudiante mach jiñic jach yom miʼ cʌn jiñi i sujmlel am bʌ ti Biblia. Coltan i qʼuel bajcheʼ miʼ coltan tiʼ cuxtʌlel yicʼot chaʼan lʌcʼʌl miʼ yajñel ti Jehová. Aqʼuen i qʼuel bajcheʼ jiñi ticʼojel tac am bʌ ti Biblia miʼ pʌs jiñi i cʼuxbiya Dios, jiñi i yutslel yicʼot i tojel. Yicʼot a cʼuxbiya yom maʼ melben cʼajtiya tac muʼ bʌ i yʌqʼuen i ñaʼtan bajcheʼ yilal miʼ qʼuel jiñi woli bʌ i cʌn. Coltan i qʼuel chuqui tac ti wenlel mi caj i taj cheʼ miʼ cʌy i mel jiñi muʼ bʌ i tsʼaʼlen Dios. Cheʼ bʌ maʼ qʼuel chaʼan jiñi a estudiante miʼ wen cʼuxbin Jehová, ñumen tijicña mi caj a wubin.

CHEʼ BɅ TSAʼIX LAʼ QʼUELE JIÑI VIDEO MI LA CUBIN TIJICÑɅYEL CHEʼ MI LAC SUTQʼUIN TI XCɅNTʼAN YAMBɅLOB. LAʼ LAC ÑUMEN WEÑʼESAN LAJ CɅNTESA: LAʼ CʼOTICONLA TIʼ PUSICʼAL JIÑI QUIXTAÑUJOB, JACʼɅ ILI CʼAJTIYA TAC:

• 

  ¿Chucoch Rita tsiʼ cʼajtibe Coral mi tsaʼʌch i ñaʼta ti jiñi tsaʼ bʌ i yʌlʌyob ti martes?

• 

  ¿Chuqui tsiʼ mele Rita chaʼan miʼ coltan i qʼuel Coral chaʼan jiñi i ticʼojel tac Jehová miʼ pʌs chaʼan miʼ cʼuxbin?

• 

  ¿Chuqui tsiʼ mele Rita chaʼan miʼ coltan Coral chaʼan miʼ pʌs chaʼan miʼ cʼuxbin Jehová?