SUJTEN TI WEM BɅ XCɅNTESA | ÑUMEN UBIN A TIJICÑɅYEL TI SUBTʼAN
Cʌntesan jiñi estudiante chaʼan miʼ weʼsan i bʌ ti jiñi chʼujul bʌ bʌlñʌcʼʌl
Chaʼan miʼ cʌñob Jehová yicʼot miʼ sujtelob ti wem bʌ xñoptʼan jiñi woli bʌ a wʌqʼueñob estudio, mach cojach yom miʼ cʌñob jiñi cʌntesa mach bʌ wen wocolic (Mt 5:3; Heb 5:12–6:2). Yom miʼ cʌñob jaʼel bajcheʼ miʼ mejlel i weʼsañob i bʌ tiʼ chaʼan bʌ Dios.
Cʼʌlʌl cheʼ bʌ cojaxto woli a tech a wʌqʼuen estudio, cʌntesan bajcheʼ miʼ mejlel i chajpan i bʌ yicʼot suben chaʼan yomʌch miʼ mel (mwb18.03 6). Tsictesʌben chaʼan wen ñucʌch i cʼʌjñibal cheʼ miʼ tech yicʼot oración cheʼ bʌ miʼ cajel i bajñel chajpan i bʌ. Suben chaʼan wen ñucʌch cʼʌjñibal cheʼ bʌ miʼ qʼuel chuqui tac tsijib an ti jw.org yicʼot JW Broadcasting®, i cʌntesan bajcheʼ miʼ cʼʌn jiñi eʼtijib tac. Xucʼu xucʼul yom maʼ ñʌmtesan chaʼan miʼ pejcan i Biblia ti jujumpʼejl qʼuin, chaʼan miʼ chajpan i bʌ chaʼan jiñi tempa bʌ yicʼot chaʼan miʼ sʌclʌben i jacʼbal jiñi i cʼajtiya tac. Suben chaʼan miʼ wen ñaʼtan muʼ bʌ i pejcan.
CHEʼ BɅ TSAʼIX LAʼ QʼUELE JIÑI VIDEO LAʼ LAJ COLTAN JIÑI MUʼ BɅ LA CɅQʼUEÑOB ESTUDIO CHAʼAN MIʼ WEʼSAÑOB I BɅ TI JIÑI CHʼUJUL BɅ BɅLÑɅCʼɅL, JACʼɅ ILI CʼAJTIYA TAC:
¿Chuqui tsiʼ mele Rita chaʼan miʼ coltan Coral i chʼʌmben i sujm jiñi wem bʌ estudio?
¿Chuqui tsiʼ colta Coral chaʼan miʼ ñaʼtan chaʼan añʌch i sujmlel cheʼ bʌ Jehová miʼ yʌl chaʼan mach yomic mi lac mel tsʼiʼlel?
Cʌntesan jiñi a estudiante chaʼan miʼ chʼʌmben i sujm jiñi muʼ bʌ i pejcan yicʼot chaʼan miʼ pʌs tiʼ melbal.
¿Bajcheʼ tsaʼ cʼoti i chʼʌmben i sujm Coral chaʼan chuqui yom i yʌl cheʼ mi lac wen ñaʼtan muʼ bʌ lac pejcan?