Laʼ lac pʌs cʼuxbiya ti lac familia

Jiñi cʼuxbiya miʼ coltan jumpʼejl familia chaʼan temel miʼ yajñel. Mi maʼañic cʼuxbiya, wocol chaʼan jumpʼejl familia temel miʼ yajñel yicʼot chaʼan miʼ coltañob i bʌ. ¿Bajcheʼ miʼ mejlel i pʌsbeñob i bʌ cʼuxbiya jiñi ñujpuñemoʼ bʌ? ¿Bajcheʼ miʼ mejlel i pʌsbeñob cʼuxbiya jiñi i yalobilob?

Jiñi wiñic yujil bʌ cʼuxbiya mi caj i chʼʌm ti wenta jiñi i cʼʌjñibal bʌ i chaʼan i yijñam, chuqui miʼ ñaʼtan yicʼot bajcheʼ yubil miʼ yubin i bʌ (Ef. 5:28, 29). Mi caj i yʌqʼuen jiñi i familia jiñi i cʼʌjñibal bʌ i chaʼan yicʼot mi caj i coltan tiʼ chaʼan bʌ Dios, cheʼ bajcheʼ miʼ mel ti jiñi chʼujutesaya ti familia (1 Ti. 5:8). Jiñi wem bʌ ijñamʌl mi caj i yotsan i bʌ tiʼ wenta i ñoxiʼal yicʼot mi caj i wen «qʼuel ti ñuc» (Ef. 5:22, 33; 1 P. 3:1-6). Tiʼ chaʼticlelob yom miʼ ñusʌbeñob i bʌ i mul (Ef. 4:32). Jiñi wem bʌ tatʌl ñaʼʌl miʼ cʌntan jiñi i yalobilob yicʼot miʼ cʌntesañob i cʼuxbin Jehová (Dt. 6:6, 7; Ef. 6:4). ¿Chuqui tac ti wocol miʼ ñusañob jiñi laʼ walobilob yaʼ ti escuela? ¿Bajcheʼ miʼ cuchob cheʼ bʌ miʼ xijqʼuel i melob mach bʌ weñic? Mi añʌch cʼuxbiya ti jumpʼejl familia, cʌntʌbil mi caj i yubiñob i bʌ.

CHEʼ BɅ TSAʼIX LAʼ QʼUELE JIÑI VIDEO LAʼ LAC PɅS CʼUXBIYA MACH BɅ YUJILIC JILEL YAʼ TI LAC FAMILIA, JACʼɅ ILI CʼAJTIYA TAC:

• 

  ¿Bajcheʼ miʼ cʌntan ti utsʼat i yijñam juntiquil wem bʌ wiñic?

• 

  ¿Bajcheʼ miʼ pʌs juntiquil wem bʌ ijñamʌl chaʼan miʼ wen qʼuel ti ñuc i ñoxiʼal?

• 

  ¿Bajcheʼ miʼ chaʼleñob wersa jiñi tatʌl ñaʼʌl chaʼan miʼ subeñob i chaʼan bʌ Dios jiñi i yalobilob?