¿Chuqui mi laj cʌn tiʼ tojlel Samuel?

Samuel xucʼul tsaʼ ajñi tiʼ tojlel Jehová cʼʌlʌl cheʼ bʌ tsaʼ chʌmi. Cheʼ bʌ chutto mach cheʼic tsiʼ mele bajcheʼ i yalobilob Elí, Hofní yicʼot Finehás, come mach yoque weñic chuqui tsiʼ meleyob (1 S. 2:22-26). Samuel tsaʼ caji ti colel majlel i an yicʼot i coltaya Jehová (1 S. 3:19, TNM). I cheʼ bʌ wen ñoxix maʼañic tsiʼ cʌyʌ i jacʼben i tʼan Jehová anquese jiñi i yalobilob mach cheʼic tsiʼ meleyob (1 S. 8:1-5).

¿Chuqui miʼ cʌntesañonla chaʼan tsaʼ bʌ i mele Samuel? Jiñi xcolelob miʼ mejlel i ñopob chaʼan Jehová miʼ chʼʌmben i sujm chaʼan jiñi wocol tac muʼ bʌ i ñusañob yicʼot chaʼan bajcheʼ miʼ yubiñob i bʌ. Jiñʌch mi caj i coltañob chaʼan maʼañic chuqui miʼ bʌcʼñañob (Is. 41:10 TNM; 41:13). Jiñi tatʌlob añoʼ bʌ i yalobilob tsaʼ bʌ i ñajtʼesayob i bʌ ti Jehová, miʼ mejlel i coltañob cheʼ miʼ qʼuelob chaʼan Samuel maʼañic tsaʼ mejli i wersa suben jiñi i yalobilob chaʼan miʼ jacʼbeñob i mandar tac Dios. Samuel tsiʼ cʌyʌ tiʼ cʼʌb Jehová jiñi wocol tac, xucʼul tsaʼ ajñi tiʼ tojlel Jehová i tsiʼ chʌn aqʼue i tijicñʌyel. Tajol jiñi wem bʌ ejemplo muʼ bʌ i pʌsob jiñi tatʌlob miʼ coltañob jiñi i yalobilob chaʼan miʼ chaʼ sujtelob ti Jehová.

CHEʼ BɅ TSAʼIX LAʼ QʼUELE JIÑI VIDEO LAʼ LAJ CɅN TIʼ TOJLELOB: SAMUEL, JACʼɅ ILI CʼAJTIYA TAC:

• 

  ¿Bajcheʼ tsiʼ pʌsʌ Samuel cheʼ bʌ chutto chaʼan maʼañic miʼ chaʼlen bʌqʼuen?

• 

  ¿Bajcheʼ tsiʼ pʌsʌ Danny chaʼan maʼañic miʼ chaʼlen bʌqʼuen?

• 

  ¿Chuqui wem bʌ ejemplo tsiʼ pʌsʌ Samuel cheʼ bʌ ñoxix?

• 

  ¿Chuqui wem bʌ ejemplo tsiʼ yʌcʼʌyob jiñi i tat i ñaʼ Danny?