¿Bajcheʼ miʼ mejlel laj cʼʌn jiñi sección «Muʼ bʌ i mejlel la cʌl»?

Jiñi sección «Muʼ bʌ i mejlel la cʌl» tsaʼʌch wen ñaʼtʌnti cheʼ bʌ tsaʼ mejli, i cabʌl publicadorob an i qʼueleyob chaʼan mucʼʌch i wen coltañob tiʼ territorio. Pero mach junlajalic chuqui yom i ñʌchʼtañob ti yan tac bʌ territorio. Jin chaʼan, cheʼ bʌ jiñi publicadorob miʼ loqʼuelob ti subtʼan, miʼ mejlel i qʼuextañob bajcheʼ mi caj i yʌlob o miʼ cʼʌñob yambʌ tema muʼ bʌ i mulañob yaʼ ti territorio. Pero ti lac pejtelel yom mi lac jacʼ muʼ bʌ lac subentel cheʼ bʌ miʼ yujtel jumpʼejl ñuc bʌ subtʼan. La com bʌ jiñʌch chaʼan mi lac jacʼben i tʼan Jesús chaʼan mi lac sub jiñi wen tʼan (Mt 24:14).

Cheʼ bʌ juntiquil publicador miʼ ñusan jumpʼejl asignación yaʼ ti tempa bʌ Subtʼan yicʼot Melbalʌl, yom miʼ cʼʌn jiñi tema muʼ bʌ i tilel ti jiñi sección muʼ bʌ i mejlel la cʌl am bʌ yaʼ ti Jun chaʼan lac tempa bʌ I Subtʼan yicʼot i Melbal jiñi xÑoptʼan. Mi mucʼʌch i yʌl chaʼan miʼ mejlel lac mel, miʼ mejlel a qʼuextan jiñi cʼajtiya, jiñi texto, jiñi cʼajtiya mejl bʌ laj cʌy yicʼot bajcheʼ mi lac tech lac tʼan chaʼan jiñʌch muʼ bʌ i mulañob i yubin yaʼ ti a territorio. Iliyi miʼ tsijibtesan tsaʼ bʌ ajli ti jiñi Jun chaʼan lac tempa bʌ I Subtʼan yicʼot i Melbal jiñi xÑoptʼan chaʼan bʌ junio, 2020, página 8.