Tiʼ pejtelelob i pusicʼal tsiʼ meleyob jiñi templo

Salomón tsiʼ cʼʌñʌ ñumen wem bʌ material tac chaʼan miʼ mejlel jiñi templo (1 R. 5:6, 17; w11-S 1/2 15 párr. 5).

Cabʌl tsiʼ chaʼleyob eʼtel (1 R. 5:13-16; it-1-S 451; it-2-S 1097 párr. 4).

Salomón yicʼot jiñi tejclum tsiʼ chaʼleyob eʼtel 7 jab chaʼan miʼ yujtesañob jiñi templo (1 R. 6:38; qʼuele jiñi dibujo am bʌ tiʼ tejchibal).

Salomón yicʼot jiñi tejclum tsaʼ mejli i melob jumpʼejl utsʼatax bʌ templo chaʼan miʼ chʼujutesañob Jehová come tsiʼ meleyob tiʼ pejtelel i pusicʼal. Pero jiñi i pʼolbalob mach cheʼix tsiʼ pʌsʌyob jiñi tijicñʌyel chaʼan miʼ chʼujutesañob Jehová. Maʼañic tsiʼ cʌntayob jiñi templo i ti wiʼil tsaʼ jisʌnti.

Jiñi hermanojob tijicñayob woliʼ sʌqʼuesañob jiñi i Yotlel tempa bʌ. I yaʼ tiʼ tamlel an woli bʌ i yotsañob i taqʼuin yaʼ ti caja chaʼan donación, i jiñi yambʌlob woliyob ti tʼan yicʼot woliʼ tojʼesañob jin jun tac yaʼ tiʼ yajñib.

CʼAJTIBEN A BɅ: «¿Chuqui woliʼ c mel chaʼan maʼañic mic sʌt jiñi c tijicñʌyel tiʼ chʼujutesʌntel Jehová?».