ÑUC TAC BɅ I CʼɅJÑIBAL TI BIBLIA

Yajcan ti wen majqui mi caj a ñujpuñel a wicʼot

Salomón maʼañic tsiʼ pʌsʌ i ñaʼtʌbal cheʼ bʌ tsaʼ ñujpuñi yicʼot xʼixicob muʼ bʌ i chʼujutesañob melbil tac jach bʌ dios (1 R. 11:1, 2; w18.07 18 párr. 7).

Jiñi i yijñamob Salomón cʼunteʼ cʼunteʼ tsiʼ ñijcʌbeyob i pusicʼal chaʼan miʼ chʼujutesan yambʌ dios tac (1 R. 11:3-6; w19.01 15 párr. 6).

Jehová tsaʼ michʼa yicʼot Salomón (1 R. 11:9, 10; w18.07 18 párr. 9).

Juntiquil hermana i bajñelto bʌ woliʼ pejcan jiñi Biblia i woliʼ ñaʼtan juntiquil hermano i bajñelto bʌ. 1. Jiñi hermano woliʼ yʌcʼ i comentario ti tempa bʌ. 2. Jiñi hermano woli ti subtʼan ti carrito. 3. Jiñi hermano woliʼ chaʼlen coltaya yaʼ tiʼ Yotlel tempa bʌ.

Jiñi Biblia miʼ suben jiñi i bajñelobto bʌ chaʼan mi yomob ñujpuñel yom miʼ melob «ti lac Yum» (1Co 7:39). Anquese juntiquil chʼʌmʌlix i chaʼan jaʼ mach yomic i yʌl chaʼan mi caj i sujtel ti wem bʌ ijñamʌl o ñoxiʼal. Cʼajtiben a bʌ: «¿Muʼ ba caj i coltañon chaʼan mic melben i yeʼtel Jehová tiʼ pejtelel j cuxtʌlel? ¿Añix ba ora cajel i pʌs chaʼan mucʼʌch i cʼuxbin Jehová tiʼ sujm?». Ñaxan wen cʌñʌ bajcheʼ yilal jiñi woli bʌ a qʼuel.