Aqʼuen a bʌ meta tac cheʼ tiʼ yorajlel jiñi Conmemoración

Jiñi Conmemoración jiñʌch junchajp wen pijtʌbil bʌ i chaʼañob jiñi i wiñicob Jehová ti jujumpʼejl jab. Ti jiñi semana tac cheʼ bʌ anto yom yicʼot cheʼ bʌ tsaʼix ñumi mi lac chaʼlen wersa chaʼan mi la cʌqʼuen i ñuclel Jehová yicʼot chaʼan mi la cʌqʼuen wocolix i yʌlʌ cheʼ tsiʼ yʌcʼʌ i Yalobil chaʼañonla (Ef 1:3, 7). Jumpʼejl ejemplo, mi lac chaʼlen wersa chaʼan mi lac chaʼlen ti invitar yañoʼ bʌ. An hermanojob muʼ bʌ i qʼuextañob i horario chaʼan miʼ mejlelob ti ochel bajcheʼ precursor auxiliar i miʼ yʌcʼob 30 o 50 hora cheʼ ti marzo o ti abril. ¿A wom ba a ñumen chaʼlen subtʼan cheʼ tiʼ yorajlel Conmemoración? ¿Chuqui miʼ mejlel a mel?

Weñʌch miʼ loqʼuel chuqui la com lac mel mi mucʼʌch lac wʌn chajpan (Pr. 21:5). Lʌcʼʌlix jiñi Conmemoración, jin chaʼan yomix mi lac tech lac chajpan lac bʌ. Ñaʼtan chuqui ti meta tac a wom a wʌqʼuen a bʌ ti jimbʌ ora yicʼot chuqui yom maʼ mel chaʼan maʼ taj. Cheʼ jiñi, cʼajtiben i bendición Jehová (1Jn 5:14, 15).

¿Bajcheʼ yan tac bʌ maʼ mejlel ti ñumen subtʼan tiʼ yorajlel Conmemoración?