I MELBAL JIÑI XÑOPTʼAN
Qʼuele a bʌ cheʼ bajcheʼ miʼ qʼuelet Jehová
Jehová «tijicña miʼ qʼuel i chaʼañoʼ bʌ» (Sal. 149:4). Miʼ qʼuel chuqui wem bʌ ti lac tojlel yicʼot mejl bʌ lac mel anquese xmulilonla. Pero tajol wocol mi la cubin chaʼan mi laj qʼuel lac bʌ cheʼ bajcheʼ miʼ qʼuelonla Jehová. Tajol maʼañic laj cʼʌjñibal mi lac ñaʼtan o chaʼan mach yomic miʼ cʼuxbiñonla Jehová tiʼ caj lac sajtemal o bajcheʼ yilal yañoʼ bʌ ti lac tojlel. ¿Chuqui mi caj i coltañet mi cheʼ maʼ wubin bajcheʼ jiñi?
Cʼajtesan chaʼan Dios mach cheʼic miʼ qʼuelonla cheʼ bajcheʼ miʼ qʼuelonla jiñi lac piʼʌlob (1 S. 16:7). Ili yom i yʌl chaʼan, cheʼ bʌ miʼ qʼuelonla, miʼ taj i qʼuel maʼañic bʌ mi lac taj laj qʼuel joñonla. Jiñi Biblia miʼ coltañonla lac ñaʼtan chuqui miʼ qʼuel Jehová. Cheʼ bʌ maʼ tsajin chaʼpʼej uxpʼejl versículo yicʼot relato tac, mi caj a qʼuel bajcheʼ cʼamel miʼ cʼuxbiñet.
CHEʼ BɅ TSAʼIX LAʼ QʼUELE JIÑI VIDEO QʼUEXTAN AM BɅ TI A PUSICʼAL CHEʼ BAJCHEʼ YOM JEHOVÁ, JACʼɅLA ILI CʼAJTIYA TAC:
¿Chuqui miʼ pʌsbeñonla tiʼ tojlel Jehová jiñi ejemplo chaʼan jiñi xʼajñel yicʼot i papá?
Mi an tsaʼ bʌ i chaʼle tsʌts bʌ mulil pero añix chuqui tsiʼ mele chaʼan miʼ chaʼ sujtel ti Jehová, ¿chuqui miʼ mejlel i mel chaʼan ñʌchʼʌl i pusicʼal? (1Jn 3:19, 20).
¿Bajcheʼ tsiʼ colta jiñi hermano cheʼ tsiʼ pejca yicʼot tsiʼ wen ñaʼta tsaʼ bʌ ujti tiʼ tojlel David yicʼot Jehosafat?