I MELBAL JIÑI XÑOPTʼAN
¿Chajpʌbilet ba chaʼan maʼ ñusan wocol chaʼan taqʼuin?
¿Chucoch maʼañic miʼ toj sajtel lac pusicʼal cheʼ mi laj qʼuel wocol tac chaʼan taqʼuin? Come chumulonla ti jiñi cojix tac bʌ qʼuin, i jiñi Biblia miʼ yʌl: «Mach i yʌcʼob i pijtaya ti jiñi chubʌʼañʌl tac muʼ bʌ i jilel» (1Ti 6:17; 2Ti 3:1). ¿Bajcheʼ miʼ coltañonla i yejemplo jiñi rey Jehosafat chaʼan chajpʌbilonla cheʼ bʌ miʼ jilel jiñi taqʼuin?
Jehosafat tsiʼ ñopo Jehová cheʼ bʌ tsaʼ cʼoti i contrajob (2 Cr. 20:9-12). Cheʼ jaʼel, añʌch chuqui tsiʼ mele chaʼan miʼ cʌntan jiñi tejclum: Tsiʼ melbe i murojlel yicʼot tsiʼ chajpa i soldadojob (2 Cr. 17:1, 2, 12, 13). Weñʌch cheʼ bʌ joñonla jaʼel mi lac ñop ti Jehová i mi lac chajpan lac bʌ chaʼan jiñi wocol tac.
CHEʼ BɅ TSAʼIX LAʼ QʼUELE JIÑI VIDEO ¿CHAJPɅBILETɅCH BA CHAʼAN JUMPʼEJL WOCOL?, JACʼɅLA ILI CʼAJTIYA TAC
¿Bajcheʼ miʼ mejlel a chajpan a bʌ chaʼan baʼ ora miʼ yujtel jumpʼejl wocol?
¿Bajcheʼ miʼ mejlel a chajpan a bʌ chaʼan maʼ coltan yañoʼ bʌ?