¿Woli ba a locʼsʌben i wenlel i audiojlel jiñi Biblia?

¿Chuqui jiñi i audiojlel jiñi Biblia? Jiñʌch i grabaciónlel jiñi Traducción del Nuevo Mundo tsaʼ jaxto bʌ loqʼui i cʼunteʼ cʼunteʼ woliʼ loqʼuel majlel ti yan tac bʌ tʼan. Wen utsʼatax come qʼuexel tac majqui tsiʼ chaʼle ti grabar jujumpʼejl personaje. Cheʼ jaʼel, wen jach bajcheʼ tsaʼ pejcʌnti yicʼot tsaʼ aqʼuenti sentimiento chaʼan miʼ ñumen chʼʌmbentel i sujm.

¿Chucoch weñʌch cheʼ mi lac ñʌchʼtan i audiojlel jiñi Biblia? Cabʌlob muʼ bʌ i chumtañob muʼ bʌ i yʌl jiñi Biblia cheʼ bʌ miʼ ñʌchʼtañob i audiojlel. Miʼ ñumen chʼʌmbeñob i sujm jiñi relato cheʼ bʌ miʼ ñʌchʼtañob jujumpʼejl personaje (Pr. 4:5). I an muʼ bʌ i yʌlob chaʼan jiñi grabación tac miʼ yʌqʼueñob i ñʌchʼtʌlel cheʼ bʌ an chuqui miʼ pensariñob (Sal. 94:19).

Mucʼʌch i coltañet cheʼ bʌ maʼ ñʌchʼtan i audiojlel jiñi Biblia (2 Cr. 34:19-21). ¿Añix ba i audiojlel jiñi Biblia, tajol ti tsʼʌcʌl o maxto tsʼʌcʌlic, ti jumpʼejl tʼan muʼ bʌ a chʼʌmben i sujm? ¿Bajcheʼ a wʌlʌ cheʼ muqʼuic a chaʼlen wersa a ñʌchʼtan ti bele ora?

CHEʼ BɅ TSAʼIX LAʼ QʼUELE JIÑI VIDEO JIÑI BIBLIA TI AUDIO: CHEʼ BɅ MIʼ MEJLEL JIÑI GRABACIÓN (I XUJTʼIL), JACʼɅLA ILI CʼAJTIYA:

¿Chuqui tsaʼ ñumen mulaj chaʼan bajcheʼ miʼ mejlel i grabaciónlel jiñi Biblia?