Miʼ mejlel a coltan a familia chaʼan tijicña miʼ yajñel

Jehová yom chaʼan tijicña jiñi familia tac (Sal. 127:3-5; Ec. 9:9; 11:9) Pero an i tajol mi laj cʌlʌx chaʼlen pensar o mi lac taj lac sajtemal i jiñi miʼ mejlel i yʌcʼ chaʼan miʼ sajtel jiñi tijicñʌyel ti lac familia. ¿Chuqui miʼ mejlel lac mel ti jujuntiquil chaʼan tijicña jiñi lac familia?

Juntiquil wem bʌ ñoxiʼal miʼ qʼuel ti ñuc i yijñam (1Pe 3:7). Miʼ ñusan tiempo yicʼot, mach ñumeñic ti pʼis chuqui miʼ pijtan tiʼ tojlel i miʼ yʌqʼuen wocolix i yʌlʌ chaʼan muʼ bʌ i mel tiʼ tojlel yicʼot tiʼ tojlel i familia (Col 3:15). Miʼ suben chaʼan miʼ wen cʼuxbin yicʼot miʼ suben utsʼatax bʌ tʼan tac (Pr. 31:28, 31).

Juntiquil wem bʌ ijñamʌl tiʼ pejtelel ora miʼ chaʼlen wersa i coltan i ñoxiʼal (Pr. 31:12). Miʼ pʌs chaʼan miʼ qʼuel ti ñuc yicʼot miʼ jacʼben i tʼan (Col 3:18). Uts miʼ pejcan yicʼot wen chuqui miʼ yʌl tiʼ tojlel (Pr. 31:26).

Jiñi wem bʌ tatʌl ñaʼʌlob miʼ ñusañob qʼuin yicʼot i yalobilob (Dt. 6:6, 7). Miʼ subeñob chaʼan miʼ wen cʼuxbiñob (Mt 3:17). Yujilob jalaqui yicʼot bajcheʼ yom miʼ tojʼesañob i tiʼ pejtelel ora miʼ melob yicʼotob i cʼuxbiya (Ef 6:4).

Jiñi alobob miʼ qʼuelob ti ñuc i papá i mamá yicʼot miʼ jacʼbeñob i tʼan (Pr. 23:22). Miʼ subeñob chuqui miʼ ñaʼtañob yicʼot bajcheʼ yubil miʼ yubiñob i bʌ. Miʼ jacʼob i tojʼesʌntel yicʼot miʼ chʼʌmob ti ñuc i papá i mamá (Pr. 19:20).

CHEʼ BɅ TSAʼIX LAʼ QʼUELE JIÑI VIDEO ¿CHUQUI MIʼ MEJLEL A MEL CHAʼAN TIJICÑA MIʼ YAJÑEL A FAMILIA?, JACʼɅLA ILI CʼAJTIYA:

• ¿Chuqui tsiʼ meleyob ti jujuntiquilob chaʼan tijicña miʼ yajñelob tiʼ familia?